Herodotus, The Histories, book 1, chapter 117

(헤로도토스, The Histories, book 1, chapter 117)

Ἀστυάγησ δὲ τοῦ μὲν βουκόλου τὴν ἀληθείην ἐκφήναντοσ λόγον ἤδη καὶ ἐλάσσω ἐποιέετο, Ἁρπάγῳ δὲ καὶ μεγάλωσ μεμφόμενοσ καλέειν αὐτὸν τοὺσ δορυφόρουσ ἐκέλευε. ὡσ δέ οἱ παρῆν ὁ Ἅρπαγοσ, εἴρετό μιν ὁ Ἀστυάγησ "Ἅρπαγε, τέῳ δὴ μόρῳ τὸν παῖδα κατεχρήσαο τόν τοι παρέδωκα ἐκ θυγατρὸσ γεγονότα τῆσ ἐμῆσ;

ὁ δὲ Ἅρπαγοσ ὡσ εἶδε τὸν βουκόλον ἔνδον ἐόντα, οὐ τρέπεται ἐπὶ ψευδέα ὁδόν, ἵνα μὴ ἐλεγχόμενοσ ἁλίσκηται, ἀλλὰ λέγει τάδε. "ὦ βασιλεῦ, ἐπείτε παρέλαβον τὸ παιδίον, ἐβούλευον σκοπέων ὅκωσ σοί τε ποιήσω κατὰ νόον, καὶ ἐγὼ πρὸσ σὲ γινόμενοσ ἀναμάρτητοσ μήτε θυγατρὶ τῇ σῇ μήτε αὐτῷ σοὶ εἰήν αὐθέντησ.

ποιέω δὴ ὧδε·

καλέσασ τὸν βουκόλον τόνδε παραδίδωμι τὸ παιδίον, φὰσ σέ τε εἶναι τὸν κελεύοντα ἀποκτεῖναι αὐτό. καὶ λέγων τοῦτό γε οὐκ ἐψευδόμην· σὺ γὰρ ἐνετέλλεο οὕτω. παραδίδωμι μέντοι τῷδε κατὰ τάδε ἐντειλάμενοσ, θεῖναὶ μιν ἐσ ἔρημον ὄροσ καὶ παραμένοντα φυλάσσειν ἄχρι οὗ τελευτήσῃ, ἀπειλήσασ παντοῖα τῷδε ἢν μὴ τάδε ἐπιτελέα ποιήσῃ. ἐπείτε δὲ ποιήσαντοσ τούτου τὰ κελευόμενα ἐτελεύτησε τὸ παιδίον, πέμψασ τῶν εὐνούχων τοὺσ πιστοτάτουσ καὶ εἶδον δι’ ἐκείνων καὶ ἔθαψά μιν.

οὕτω ἔσχε ὦ βασιλεῦ περὶ τοῦ πρήγματοσ τούτου, καὶ τοιούτῳ μόρῳ ἐχρήσατο ὁ παῖσ.

상위

The Histories

목록

일치하는 문장이 없습니다.

SEARCH

MENU NAVIGATION