호흡부호 보기
강세부호 보기
장단부호 보기
작은 Iota 보기
모든 부호 보기
Κῦροσ ἐπείτε τὰ πάντα τῆσ ἠπείρου ὑποχείρια ἐποιήσατο, Ἀσσυρίοισι ἐπετίθετο. τῆσ δὲ Ἀσσυρίησ ἐστὶ μὲν κου καὶ ἄλλα πολίσματα μεγάλα πολλά, τὸ δὲ ὀνομαστότατον καὶ ἰσχυρότατον καὶ ἔνθα σφι Νίνου ἀναστάτου γενομένησ τὰ βασιλήια κατεστήκεε, ἦν Βαβυλών, ἐοῦσα τοιαύτη δή τισ πόλισ. κέεται ἐν πεδίῳ μεγάλῳ, μέγαθοσ ἐοῦσα μέτωπον ἕκαστον εἴκοσι καὶ ἑκατὸν σταδίων, ἐούσησ τετραγώνου·
οὗτοι στάδιοι τῆσ περιόδου τῆσ πόλιοσ γίνονται συνάπαντεσ ὀγδώκοντα καὶ τετρακόσιοι, τὸ μέν νυν μέγαθοσ τοσοῦτον ἐστὶ τοῦ ἄστεοσ τοῦ Βαβυλωνίου, ἐκεκόσμητο δὲ ὡσ οὐδὲν ἄλλο πόλισμα τῶν ἡμεῖσ ἴδμεν. τάφροσ μὲν πρῶτά μιν βαθέα τε καὶ εὐρέα καὶ πλέη ὕδατοσ περιθέει, μετὰ δὲ τεῖχοσ πεντήκοντα μὲν πηχέων βασιληίων ἐὸν τὸ εὖροσ, ὕψοσ δὲ διηκοσίων πηχέων·
ὁ δὲ βασιλήιοσ πῆχυσ τοῦ μετρίου ἐστὶ πήχεοσ μέζων τρισὶ δακτύλοισι.
호흡부호 보기
강세부호 보기
장단부호 보기
작은 Iota 보기
모든 부호 보기