헬라어 문장 검색 - ΗεροδόΤηεΗιστ́1́132́

(헤로도토스, The Histories, book 1, chapter 132)

θυσίη δὲ τοῖσι Πέρσῃσι περὶ τοὺσ εἰρημένουσ θεοὺσ ἥδε κατέστηκε· οὔτε βωμοὺσ ποιεῦνται οὔτε πῦρ ἀνακαίουσι μέλλοντεσ θύειν, οὐ σπονδῇ χρέωνται, οὐκὶ αὐλῷ, οὐ στέμμασι, οὐκὶ οὐλῇσι· τῶν δὲ ὡσ ἑκάστῳ θύειν θέλῃ, ἐσ χῶρον καθαρὸν ἀγαγὼν τὸ κτῆνοσ καλέει τὸν θεόν, ἐστεφανωμένοσ τὸν τιάραν μυρσίνῃ μάλιστα. ἑωυτῷ μὲν δὴ τῷ θύοντι ἰδίῃ μούνῳ οὔ οἱ ἐγγίνεται ἀρᾶσθαι ἀγαθά, ὁ δὲ τοῖσι πᾶσι Πέρσῃσι κατεύχεται εὖ γίνεσθαι καὶ τῷ βασιλέι·

ἐν γὰρ δὴ τοῖσι ἅπασι Πέρσῃσι καὶ αὐτὸσ γίνεται. ἐπεὰν δὲ διαμιστύλασ κατὰ μέλεα τὸ ἱρήιον ἑψήσῃ τὰ κρέα ὑποπάσασ ποίην ὡσ ἁπαλωτάτην, μάλιστα δὲ τὸ τρίφυλλον, ἐπὶ ταύτησ ἔθηκε ὦν πάντα τὰ κρέα. διαθέντοσ δὲ αὐτοῦ Μάγοσ ἀνὴρ παρεστεὼσ ἐπαείδει θεογονίην, οἱήν δὴ ἐκεῖνοι λέγουσι εἶναι τὴν ἐπαοιδήν·

ἄνευ γὰρ δὴ Μάγου οὔ σφι νόμοσ ἐστὶ θυσίασ ποιέεσθαι. ἐπισχὼν δὲ ὀλίγον χρόνον ἀποφέρεται ὁ θύσασ τὰ κρέα καὶ χρᾶται ὅ τι μιν λόγοσ αἱρέει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 132

(헤로도토스, The Histories, book 1, chapter 132)

상위

목록

SEARCH

MENU NAVIGATION