Herodotus, The Histories, book 1, chapter 173

(헤로도토스, The Histories, book 1, chapter 173)

καὶ οὗτοι μὲν τρόποισι τοιούτοισι χρέωνται, οἱ δὲ Λύκιοι ἐκ Κρήτησ τὠρχαῖον γεγόνασι τὴν γὰρ Κρήτην εἶχον τὸ παλαιὸν πᾶσαν βάρβαροι· διενειχθέντων δὲ ἐν Κρήτῃ περὶ τῆσ βασιληίησ τῶν Εὐρώπησ παίδων Σαρπηδόνοσ τε καὶ Μίνω, ὡσ ἐπεκράτησε τῇ στάσι Μίνωσ, ἐξήλασε αὐτόν τε Σαρπηδόνα καὶ τοὺσ στασιώτασ αὐτοῦ, οἳ δὲ ἀπωσθέντεσ ἀπίκοντο τῆσ Ἀσίησ ἐσ γῆν τὴν Μιλυάδα·

τὴν γὰρ νῦν Λύκιοι νέμονται, αὕτη τὸ παλαιὸν ἦν Μιλυάσ, οἱ δὲ Μιλύαι τότε Σόλυμοι ἐκαλέοντο. ἑώσ μὲν δὴ αὐτῶν Σαρπηδὼν ἦρχε, οἳ δὲ ἐκαλέοντο τό πέρ τε ἠνείκαντο οὔνομα καὶ νυν ἔτι καλέονται ὑπὸ τῶν περιοίκων οἱ Λύκιοι Τερμίλαι·

ὡσ δὲ ἐξ Ἀθηνέων Λύκοσ ὁ Πανδίονοσ, ἐξελασθεὶσ καὶ οὗτοσ ὑπὸ τοῦ ἀδελφεοῦ Αἰγέοσ, ἀπίκετο ἐσ τοὺσ Τερμίλασ παρὰ Σαρπηδόνα, οὕτω δὴ κατὰ τοῦ Λύκου τὴν ἐπωνυμίην Λύκιοι ἀνὰ χρόνον ἐκλήθησαν. νόμοισι δὲ τὰ μὲν Κρητικοῖσι τὰ δὲ Καρικοῖσι χρέωνται.

ἓν δὲ τόδε ἴδιον νενομίκασι καὶ οὐδαμοῖσι ἄλλοισι συμφέρονται ἀνθρώπων· καλέουσι ἀπὸ τῶν μητέρων ἑωυτοὺσ καὶ οὐκὶ ἀπὸ τῶν πατέρων· εἰρομένου δὲ ἑτέρου τὸν πλησίον τίσ εἰή, καταλέξει ἑωυτὸν μητρόθεν καὶ τῆσ μητρὸσ ἀνανεμέεται τὰσ μητέρασ.

καὶ ἢν μέν γε γυνὴ ἀστὴ δούλῳ συνοικήσῃ, γενναῖα τὰ τέκνα νενόμισται· ἢν δὲ ἀνὴρ ἀστὸσ καὶ ὁ πρῶτοσ αὐτῶν γυναῖκα ξείνην ἢ παλλακὴν ἔχῃ, ἄτιμα τὰ τέκνα γίνεται.

상위

The Histories

목록

일치하는 문장이 없습니다.

SEARCH

MENU NAVIGATION