헬라어 문장 검색 - ΗεροδόΤηεΗιστ́1́173́

(헤로도토스, The Histories, book 1, chapter 173)

καὶ οὗτοι μὲν τρόποισι τοιούτοισι χρέωνται, οἱ δὲ Λύκιοι ἐκ Κρήτησ τὠρχαῖον γεγόνασι τὴν γὰρ Κρήτην εἶχον τὸ παλαιὸν πᾶσαν βάρβαροι· διενειχθέντων δὲ ἐν Κρήτῃ περὶ τῆσ βασιληίησ τῶν Εὐρώπησ παίδων Σαρπηδόνοσ τε καὶ Μίνω, ὡσ ἐπεκράτησε τῇ στάσι Μίνωσ, ἐξήλασε αὐτόν τε Σαρπηδόνα καὶ τοὺσ στασιώτασ αὐτοῦ, οἳ δὲ ἀπωσθέντεσ ἀπίκοντο τῆσ Ἀσίησ ἐσ γῆν τὴν Μιλυάδα·

τὴν γὰρ νῦν Λύκιοι νέμονται, αὕτη τὸ παλαιὸν ἦν Μιλυάσ, οἱ δὲ Μιλύαι τότε Σόλυμοι ἐκαλέοντο. ἑώσ μὲν δὴ αὐτῶν Σαρπηδὼν ἦρχε, οἳ δὲ ἐκαλέοντο τό πέρ τε ἠνείκαντο οὔνομα καὶ νυν ἔτι καλέονται ὑπὸ τῶν περιοίκων οἱ Λύκιοι Τερμίλαι·

ὡσ δὲ ἐξ Ἀθηνέων Λύκοσ ὁ Πανδίονοσ, ἐξελασθεὶσ καὶ οὗτοσ ὑπὸ τοῦ ἀδελφεοῦ Αἰγέοσ, ἀπίκετο ἐσ τοὺσ Τερμίλασ παρὰ Σαρπηδόνα, οὕτω δὴ κατὰ τοῦ Λύκου τὴν ἐπωνυμίην Λύκιοι ἀνὰ χρόνον ἐκλήθησαν. νόμοισι δὲ τὰ μὲν Κρητικοῖσι τὰ δὲ Καρικοῖσι χρέωνται.

ἓν δὲ τόδε ἴδιον νενομίκασι καὶ οὐδαμοῖσι ἄλλοισι συμφέρονται ἀνθρώπων· καλέουσι ἀπὸ τῶν μητέρων ἑωυτοὺσ καὶ οὐκὶ ἀπὸ τῶν πατέρων· εἰρομένου δὲ ἑτέρου τὸν πλησίον τίσ εἰή, καταλέξει ἑωυτὸν μητρόθεν καὶ τῆσ μητρὸσ ἀνανεμέεται τὰσ μητέρασ.

καὶ ἢν μέν γε γυνὴ ἀστὴ δούλῳ συνοικήσῃ, γενναῖα τὰ τέκνα νενόμισται· ἢν δὲ ἀνὴρ ἀστὸσ καὶ ὁ πρῶτοσ αὐτῶν γυναῖκα ξείνην ἢ παλλακὴν ἔχῃ, ἄτιμα τὰ τέκνα γίνεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 173

(헤로도토스, The Histories, book 1, chapter 173)

상위

목록

SEARCH

MENU NAVIGATION