헬라어 문장 검색 - ΗεροδόΤηεΗιστ́1́105́

(헤로도토스, The Histories, book 1, chapter 105)

ἐνθεῦτεν δὲ ἠίσαν ἐπ’ Αἴγυπτον. καὶ ἐπείτε ἐγένοντο ἐν τῇ Παλαιστίνῃ Συρίῃ, Ψαμμήτιχοσ σφέασ Αἰγύπτου βασιλεὺσ ἀντιάσασ δώροισί τε καὶ λιτῇσι ἀποτράπει τὸ προσωτέρω μὴ πορεύεσθαι. οἳ δὲ ἐπείτε ἀναχωρέοντεσ ὀπίσω ἐγένοντο τῆσ Συρίησ ἐν Ἀσκάλωνι πόλι, τῶν πλεόνων Σκυθέων παρεξελθόντων ἀσινέων, ὀλίγοι τινὲσ αὐτῶν ὑπολειφθέντεσ ἐσύλησαν τῆσ οὐρανίησ Ἀφροδίτησ τὸ ἱρόν.

ἔστι δὲ τοῦτο τὸ ἱρόν, ὡσ ἐγὼ πυνθανόμενοσ εὑρίσκω, πάντων ἀρχαιότατον ἱρῶν ὅσα ταύτησ τῆσ θεοῦ·

καὶ γὰρ τὸ ἐν Κύπρῳ ἱρὸν ἐνθεῦτεν ἐγένετο, ὡσ αὐτοὶ Κύπριοι λέγουσι, καὶ τὸ ἐν Κυθήροισι Φοίνικέσ εἰσὶ οἱ ἱδρυσάμενοι ἐκ ταύτησ τῆσ Συρίησ ἐόντεσ. τοῖσι δὲ τῶν Σκυθέων συλήσασι τὸ ἱρὸν τὸ ἐν Ἀσκάλωνι καὶ τοῖσι τούτων αἰεὶ ἐκγόνοισι ἐνέσκηψε ὁ θεὸσ θήλεαν νοῦσον·

ὥστε ἅμα λέγουσί τε οἱ Σκύθαι διὰ τοῦτο σφέασ νοσέειν, καὶ ὁρᾶν παρ’ ἑωυτοῖσι τοὺσ ἀπικνεομένουσ ἐσ τὴν Σκυθικὴν χώρην ὡσ διακέαται τοὺσ καλέουσι Ἐνάρεασ οἱ Σκύθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 105

(헤로도토스, The Histories, book 1, chapter 105)

상위

목록

SEARCH

MENU NAVIGATION