호흡부호 보기
강세부호 보기
장단부호 보기
작은 Iota 보기
모든 부호 보기
ἐόντων δὲ αὐτονόμων πάντων ἀνὰ τὴν ἤπειρον, ὧδε αὖτισ ἐσ τυραννίδα περιῆλθον. ἀνὴρ ἐν τοῖσι Μήδοισι ἐγένετο σοφὸσ τῷ οὔνομα ἦν Δηιόκησ, παῖσ δ’ ἦν Φραόρτεω. οὗτοσ ὁ Δηιόκησ ἐρασθεὶσ τυραννίδοσ ἐποίεε τοιάδε.
κατοικημένων τῶν Μήδων κατὰ κώμασ, ἐν τῇ ἑωυτοῦ ἐὼν καὶ πρότερον δόκιμοσ καὶ μᾶλλόν τι καὶ προθυμότερον δικαιοσύνην ἐπιθέμενοσ ἤσκεε· καὶ ταῦτα μέντοι ἐούσησ ἀνομίησ πολλῆσ ἀνὰ πᾶσαν τὴν Μηδικὴν ἐποίεε, ἐπιστάμενοσ ὅτι τῷ δικαίῳ τὸ ἄδικον πολέμιον ἐστί. οἱ δ’ ἐκ τῆσ αὐτῆσ κώμησ Μῆδοι ὁρῶντεσ αὐτοῦ τοὺσ τρόπουσ δικαστήν μιν ἑωυτῶν αἱρέοντο. ποιέων τε ταῦτα ἔπαινον εἶχε οὐκ ὀλίγον πρὸσ τῶν πολιητέων, οὕτω ὥστε πυνθανόμενοι οἱ ἐν τῇσι ἄλλῃσι κώμῃσι ὡσ Δηιόκησ εἰή ἀνὴρ μοῦνοσ κατὰ τὸ ὀρθὸν δικάζων, πρότερον περιπίπτοντεσ ἀδίκοισι γνώμῃσι, τότε ἐπείτε ἤκουσαν ἄσμενοι, ἐφοίτων παρὰ τὸν Δηιόκεα καὶ αὐτοὶ δικασόμενοι, τέλοσ δὲ οὐδενὶ ἄλλῳ ἐπετράποντο.
호흡부호 보기
강세부호 보기
장단부호 보기
작은 Iota 보기
모든 부호 보기