헬라어 문장 검색 - ΗεροδόΤηεΗιστ́1́075́

(헤로도토스, The Histories, book 1, chapter 75)

τοῦτον δὴ ὦν τὸν Ἀστυάγεα Κῦροσ ἐόντα ἑωυτοῦ μητροπάτορα καταστρεψάμενοσ ἔσχε δι’ αἰτίην τὴν ἐγὼ ἐν τοῖσι ὀπίσω λόγοισι σημανέω· τὰ Κροῖσοσ ἐπιμεμφόμενοσ τῷ Κύρῳ ἔσ τε τὰ χρηστήρια ἔπεμπε εἰ στρατεύηται ἐπὶ Πέρσασ, καὶ δὴ καὶ ἀπικομένου χρησμοῦ κιβδήλου, ἐλπίσασ πρὸσ ἑωυτοῦ τὸν χρησμὸν εἶναι, ἐστρατεύετο ἐσ τὴν Περσέων μοῖραν.

ὡσ δὲ ἀπίκετο ἐπὶ τὸν Ἅλυν ποταμὸν ὁ Κροῖσοσ, τὸ ἐνθεῦτεν, ὡσ μὲν ἐγὼ λέγω, κατὰ τὰσ ἐούσασ γεφύρασ διεβίβασε τὸν στρατόν, ὡσ δὲ ὁ πολλὸσ λόγοσ Ἑλλήνων, Θαλῆσ οἱ ὁ Μιλήσιοσ διεβίβασε.

ἀπορέοντοσ γὰρ Κροίσου ὅκωσ οἱ διαβήσεται τὸν ποταμὸν ὁ στρατόσ οὐ γὰρ δὴ εἶναι κω τοῦτον τὸν χρόνον τὰσ γεφύρασ ταύτασ λέγεται παρεόντα τὸν Θαλῆν ἐν τῷ στρατοπέδῳ ποιῆσαι αὐτῷ τὸν ποταμὸν ἐξ ἀριστερῆσ χειρὸσ ῥέοντα τοῦ στρατοῦ καὶ ἐκ δεξιῆσ ῥέειν, ποιῆσαι δὲ ὧδε·

ἄνωθεν τοῦ στρατοπέδου ἀρξάμενον διώρυχα βαθέαν ὀρύσσειν, ἄγοντα μηνοειδέα, ὅκωσ ἂν τὸ στρατόπεδον ἱδρυμένον κατὰ νώτου λάβοι, ταύτῃ κατὰ τὴν διώρυχα ἐκτραπόμενοσ ἐκ τῶν ἀρχαίων ῥεέθρων, καὶ αὖτισ παραμειβόμενοσ τὸ στρατόπεδον ἐσ τὰ ἀρχαῖα ἐσβάλλοι·

ὥστε ἐπείτε καὶ ἐσχίσθη τάχιστα ὁ ποταμόσ, ἀμφοτέρῃ διαβατὸσ ἐγένετο, οἳ δὲ καὶ τὸ παράπαν λέγουσι καὶ τὸ ἀρχαῖον ῥέεθρον ἀποξηρανθῆναι. ἀλλὰ τοῦτο μὲν οὐ προσίεμαι·

κῶσ γὰρ ὀπίσω πορευόμενοι διέβησαν αὐτόν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 75

(헤로도토스, The Histories, book 1, chapter 75)

상위

목록

SEARCH

MENU NAVIGATION