헬라어 문장 검색 - ΗεροδόΤηεΗιστ́1́192́

(헤로도토스, The Histories, book 1, chapter 192)

καὶ Βαβυλὼν μὲν οὕτω τότε πρῶτον ἀραίρητο. τὴν δὲ δύναμιν τῶν Βαβυλωνίων πολλοῖσι μὲν καὶ ἄλλοισι δηλώσω ὅση τισ ἐστί, ἐν δὲ δὴ καὶ τῷδε. βασιλέι τῷ μεγάλῳ ἐσ τροφὴν αὐτοῦ τε καὶ τῆσ στρατιῆσ διαραίρηται, πάρεξ τοῦ φόρου, γῆ πᾶσα ὅσησ ἄρχει· δυώδεκα ὦν μηνῶν ἐόντων ἐσ τὸν ἐνιαυτὸν τοὺσ τέσσερασ μῆνασ τρέφει μιν ἡ Βαβυλωνίη χωρῇ, τοὺσ δὲ ὀκτὼ τῶν μηνῶν ἡ λοιπὴ πᾶσα Ἀσίη. οὕτω τριτημορίη ἡ Ἀσσυρίη χώρη τῇ δυνάμι τῆσ ἄλλησ Ἀσίησ.

καὶ ἡ ἀρχὴ τῆσ χώρησ ταύτησ, τὴν οἱ Πέρσαι σατραπηίην καλέουσι, ἐστὶ ἁπασέων τῶν ἀρχέων πολλόν τι κρατίστη, ὅκου Τριτανταίχμῃ τῷ Ἀρταβάζου ἐκ βασιλέοσ ἔχοντι τὸν νομὸν τοῦτον ἀργυρίου μὲν προσήιε ἑκάστησ ἡμέρησ ἀρτάβη μεστή. ἡ δὲ ἀρτάβη, μέτρον ἐὸν Περσικόν, χωρέει μεδίμνου Ἀττικοῦ πλέον χοίνιξι τρισὶ Ἀττικῇσι, ἵπποι δὲ οἱ αὐτοῦ ἦσαν ἰδίῃ, πάρεξ τῶν πολεμιστηρίων, οἱ μὲν ἀναβαίνοντεσ τὰσ θηλέασ ὀκτακόσιοι, αἱ δὲ βαινόμεναι ἑξακισχίλιαι καὶ μυρίαι·

ἀνέβαινε γὰρ ἕκαστοσ τῶν ἐρσένων τούτων εἴκοσι ἵππουσ. κυνῶν δὲ Ἰνδικῶν τοσοῦτο δή τι πλῆθοσ ἐτρέφετο ὥστε τέσσερεσ τῶν ἐν τῷ πεδίῳ κῶμαι μεγάλαι, τῶν ἄλλων ἐοῦσαι ἀτελέεσ, τοῖσι κυσὶ προσετετάχατο σιτία παρέχειν.

τοιαῦτα μὲν τῷ ἄρχοντι τῆσ Βαβυλῶνοσ ὑπῆρχε ἐόντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 192

(헤로도토스, The Histories, book 1, chapter 192)

상위

목록

SEARCH

MENU NAVIGATION