헬라어 문장 검색 - ΗεροδόΤηεΗιστ́1́091́

(헤로도토스, The Histories, book 1, chapter 91)

ἀπικομένοισι δὲ τοῖσι Λυδοῖσι καὶ λέγουσι τὰ ἐντεταλμένα τὴν Πυθίην λέγεται εἰπεῖν τάδε. "τὴν πεπρωμένην μοῖραν ἀδύνατα ἐστὶ ἀποφυγεῖν καὶ θεῷ· Κροῖσοσ δὲ πέμπτου γονέοσ ἁμαρτάδα ἐξέπλησε, ὃσ ἐὼν δορυφόροσ Ἡρακλειδέων, δόλῳ γυναικηίῳ ἐπισπόμενοσ ἐφόνευσε τὸν δεσπότεα καὶ ἔσχε τὴν ἐκείνου τιμὴν οὐδέν οἱ προσήκουσαν. προθυμεομένου δὲ Λοξίεω ὅκωσ ἂν κατὰ τοὺσ παῖδασ τοῦ Κροίσου γένοιτο τὸ Σαρδίων πάθοσ καὶ μὴ κατ’ αὐτὸν Κροῖσον, οὐκ οἱο͂́ν τε ἐγίνετο παραγαγεῖν μοίρασ.

ὅσον δὲ ἐνέδωκαν αὗται, ἤνυσέ τε καὶ ἐχαρίσατό οἱ·

τρία γὰρ ἔτεα ἐπανεβάλετο τὴν Σαρδίων ἅλωσιν, καὶ τοῦτο ἐπιστάσθω Κροῖσοσ ὡσ ὕστερον τοῖσι ἔτεσι τούτοισι ἁλοὺσ τῆσ πεπρωμένησ. δευτέρα δὲ τούτων καιομένῳ αὐτῷ ἐπήρκεσε. κατὰ δὲ τὸ μαντήιον τὸ γενόμενον οὐκ ὀρθῶσ Κροῖσοσ μέμφεται.

προηγόρευε γὰρ οἱ Λοξίησ, ἢν στρατεύηται ἐπὶ Πέρσασ, μεγάλην ἀρχὴν αὐτὸν καταλύσειν. τὸν δὲ πρὸσ ταῦτα χρῆν εὖ μέλλοντα βουλεύεσθαι ἐπειρέσθαι πέμψαντα κότερα τὴν ἑωυτοῦ ἢ τὴν Κύρου λέγοι ἀρχήν. οὐ συλλαβὼν δὲ τὸ ῥηθὲν οὐδ’ ἐπανειρόμενοσ ἑωυτὸν αἴτιον ἀποφαινέτω· τῷ καὶ τὸ τελευταῖον χρηστηριαζομένῳ εἶπε Λοξίησ περὶ ἡμιόνου, οὐδὲ τοῦτο συνέλαβε.

ἦν γὰρ δὴ ὁ Κῦροσ οὗτοσ ἡμίονοσ· ἐκ γὰρ δυῶν οὐκ ὁμοεθνέων ἐγεγόνεε, μητρὸσ ἀμείνονοσ, πατρὸσ δὲ ὑποδεεστέρου· ἣ μὲν γὰρ ἦν Μηδὶσ καὶ Ἀστυάγεοσ θυγάτηρ τοῦ Μήδων βασιλέοσ, ὁ δὲ Πέρσησ τε ἦν καὶ ἀρχόμενοσ ὑπ’ ἐκείνοισι καὶ ἔνερθε ἐὼν τοῖσι ἅπασι δεσποίνῃ τῇ ἑωυτοῦ συνοίκεε.

" ταῦτα μὲν ἡ Πυθίη ὑπεκρίνατο τοῖσι Λυδοῖσι, οἳ δὲ ἀνήνεικαν ἐσ Σάρδισ καὶ ἀπήγγειλαν Κροίσῳ. ὁ δὲ ἀκούσασ συνέγνω ἑωυτοῦ εἶναι τὴν ἁμαρτάδα καὶ οὐ τοῦ θεοῦ. κατὰ μὲν δὴ τὴν Κροίσου τε ἀρχὴν καὶ Ιὠνίησ τὴν πρώτην καταστροφὴν ἔσχε οὕτω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 91

(헤로도토스, The Histories, book 1, chapter 91)

상위

목록

SEARCH

MENU NAVIGATION