호흡부호 보기
강세부호 보기
장단부호 보기
작은 Iota 보기
모든 부호 보기
ἣ δὲ πυθομένη τά τε περὶ τὴν στρατιὴν γεγονότα καὶ τὰ περὶ τὸν παῖδα, πέμπουσα κήρυκα παρὰ Κῦρον ἔλεγε τάδε. "ἄπληστε αἵματοσ Κῦρε, μηδὲν ἐπαερθῇσ τῷ γεγονότι τῷδε πρήγματι, εἰ ἀμπελίνῳ καρπῷ, τῷ περ αὐτοὶ ἐμπιπλάμενοι μαίνεσθε οὕτω ὥστε κατιόντοσ τοῦ οἴνου ἐσ τὸ σῶμα ἐπαναπλέειν ὑμῖν ἔπεα κακά, τοιούτῳ φαρμάκῳ δολώσασ ἐκράτησασ παιδὸσ τοῦ ἐμοῦ, ἀλλ’ οὐ μάχῃ κατὰ τὸ καρτερόν.
νῦν ὦν μευ εὖ παραινεούσησ ὑπόλαβε τὸν λόγον·
ἀποδούσ μοι τὸν παῖδα ἄπιθι ἐκ τῆσδε τῆσ χώρησ ἀζήμιοσ, Μασσαγετέων τριτημορίδι τοῦ στρατοῦ κατυβρίσασ. εἰ δὲ ταῦτα οὐ ποιήσεισ, ἥλιον ἐπόμνυμί τοι τὸν Μασσαγετέων δεσπότην, ἦ μέν σε ἐγὼ καὶ ἄπληστον ἐόντα αἵματοσ κορέσω.
호흡부호 보기
강세부호 보기
장단부호 보기
작은 Iota 보기
모든 부호 보기