헬라어 문장 검색 - ΗεροδόΤηεΗιστ́1́123́

(헤로도토스, The Histories, book 1, chapter 123)

ἐνθεῦτεν μὲν ἡ φάτισ αὕτη κεχώρηκε. Κύρῳ δὲ ἀνδρευμένῳ καὶ ἐόντι τῶν ἡλίκων ἀνδρηιοτάτῳ καὶ προσφιλεστάτῳ προσέκειτο ὁ Ἅρπαγοσ δῶρα πέμπων, τίσασθαι Ἀστυάγεα ἐπιθυμέων· ἀπ’ ἑωυτοῦ γὰρ ἐόντοσ ἰδιώτεω οὐκ ἐνώρα τιμωρίην ἐσομένην ἐσ Ἀστυάγεα, Κῦρον δὲ ὁρέων ἐπιτρεφόμενον ἐποιέετο σύμμαχον, τὰσ πάθασ τὰσ Κύρου τῇσι ἑωυτοῦ ὁμοιούμενοσ. πρὸ δ’ ἔτι τούτου τάδε οἱ κατέργαστο·

ἐόντοσ τοῦ Ἀστυάγεοσ πικροῦ ἐσ τοὺσ Μήδουσ, συμμίσγων ἑνὶ ἑκάστῳ ὁ Ἅρπαγοσ τῶν πρώτων Μήδων ἀνέπειθε ὡσ χρὴ Κῦρον προστησαμένουσ Ἀστυάγεα παῦσαι τῆσ βασιληίησ. κατεργασμένου δέ οἱ τούτου καὶ ἐόντοσ ἑτοίμου, οὕτω δὴ τῷ Κύρῳ διαιτωμένῳ ἐν Πέρσῃσι βουλόμενοσ Ἅρπαγοσ δηλῶσαι τὴν ἑωυτοῦ γνώμην ἄλλωσ μὲν οὐδαμῶσ εἶχε ἅτε τῶν ὁδῶν φυλασσομενέων, ὁ δὲ ἐπιτεχνᾶται τοιόνδε·

λαγὸν μηχανησάμενοσ, καὶ ἀνασχίσασ τούτου τὴν γαστέρα καὶ οὐδὲν ἀποτίλασ, ὡσ δὲ εἶχε οὕτω ἐσέθηκε βυβλίον, γράψασ τά οἱ ἐδόκεε·

ἀπορράψασ δὲ τοῦ λαγοῦ τὴν γαστέρα, καὶ δίκτυα δοὺσ ἅτε θηρευτῇ τῶν οἰκετέων τῷ πιστοτάτῳ, ἀπέστελλε ἐσ τοὺσ Πέρσασ, ἐντειλάμενὸσ οἱ ἀπὸ γλώσσησ διδόντα τὸν λαγὸν Κύρῳ ἐπειπεῖν αὐτοχειρίῃ μιν διελεῖν καὶ μηδένα οἱ ταῦτα ποιεῦντι παρεῖναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 123

(헤로도토스, The Histories, book 1, chapter 123)

상위

목록

SEARCH

MENU NAVIGATION