헬라어 문장 검색 - ΗεροδόΤηεΗιστ́1́172́

(헤로도토스, The Histories, book 1, chapter 172)

οἱ δὲ Καύνιοι αὐτόχθονεσ δοκέειν ἐμοὶ εἰσί, αὐτοὶ μέντοι ἐκ Κρήτησ φασὶ εἶναι. προσκεχωρήκασι δὲ γλῶσσαν μὲν πρὸσ τὸ Καρικὸν ἔθνοσ, ἢ οἱ Κᾶρεσ πρὸσ τὸ Καυνικόν τοῦτο γὰρ οὐκ ἔχω ἀτρεκέωσ διακρῖναι, νόμοισι δὲ χρέωνται κεχωρισμένοισι πολλὸν τῶν τε ἄλλων ἀνθρώπων καὶ Καρῶν. τοῖσι γὰρ κάλλιστον ἐστὶ κατ’ ἡλικίην τε καὶ φιλότητα εἰλαδὸν συγγίνεσθαι ἐσ πόσιν, καὶ ἀνδράσι καὶ γυναιξὶ καὶ παισί. ἱδρυθέντων δέ σφι ἱρῶν ξεινικῶν, μετέπειτα ὥσ σφι ἀπέδοξε, ἔδοξέ δὲ τοῖσι πατρίοισι μοῦνον, χέασθαι θεοῖσι, ἐνδύντεσ τὰ ὅπλα ἅπαντεσ Καύνιοι ἡβηδόν, τύπτοντεσ δόρασι τὸν ἠέρα, μέχρι οὔρων τῶν Καλυνδικῶν εἵποντο, καὶ ἔφασαν ἐκβάλλειν τοὺσ ξεινικοὺσ θεούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 172

(헤로도토스, The Histories, book 1, chapter 172)

상위

목록

SEARCH

MENU NAVIGATION