호흡부호 보기
강세부호 보기
장단부호 보기
작은 Iota 보기
모든 부호 보기
ἔσ τε δὴ ὦν τὰσ ἄλλασ ἔπεμπε συμμαχίασ καὶ δὴ καὶ ἐσ Λακεδαίμονα. τοῖσι δὲ καὶ αὐτοῖσι τοῖσι Σπαρτιήτῃσι κατ’ αὐτὸν τοῦτον τὸν χρόνον συνεπεπτώκεε ἔρισ ἐοῦσα πρὸσ Ἀργείουσ περὶ χώρου καλεομένου Θυρέησ· τὰσ γὰρ Θυρέασ ταύτασ ἐοῦσα τῆσ Ἀργολίδοσ μοίρησ ἀποταμόμενοι ἔσχον οἱ Λακεδαιμόνιοι.
ἦν δὲ καὶ ἡ μέχρι Μαλέων ἡ πρὸσ ἑσπέρην Ἀργείων, ἥ τε ἐν τῇ ἠπείρῳ χώρῇ καὶ ἡ Κυθηρίη νῆσοσ καὶ αἱ λοιπαὶ τῶν νήσων. βοηθησάντων δὲ Ἀργείων τῇ σφετέρῃ ἀποταμνομένῃ, ἐνθαῦτα συνέβησαν ἐσ λόγουσ συνελθόντεσ ὥστε τριηκοσίουσ ἑκατέρων μαχέσασθαι, ὁκότεροι δ’ ἂν περιγένωνται, τούτων εἶναι τὸν χῶρον·
τὸ δὲ πλῆθοσ τοῦ στρατοῦ ἀπαλλάσσεσθαι ἑκάτερον ἐσ τὴν ἑωυτοῦ μηδὲ παραμένειν ἀγωνιζομένων, τῶνδε εἵνεκεν ἵνα μὴ παρεόντων τῶν στρατοπέδων ὁρῶντεσ οἱ ἕτεροι ἑσσουμένουσ τοὺσ σφετέρουσ ἀπαμύνοιεν. συνθέμενοι ταῦτα ἀπαλλάσσοντο, λογάδεσ δὲ ἑκατέρων ὑπολειφθέντεσ συνέβαλον.
μαχομένων δὲ σφέων καὶ γινομένων ἰσοπαλέων ὑπελείποντο ἐξ ἀνδρῶν ἑξακοσίων τρεῖσ, Ἀργείων μὲν Ἀλκήνωρ τε καὶ Χρομίοσ, Λακεδαιμονίων δὲ Ὀθρυάδησ· ὑπελείφθησαν δὲ οὗτοι νυκτὸσ ἐπελθούσησ. οἱ μὲν δὴ δύο τῶν Ἀργείων ὡσ νενικηκότεσ ἔθεον ἐσ τὸ Ἄργοσ, ὁ δὲ τῶν Λακεδαιμονίων Ὀθρυάδησ σκυλεύσασ τοὺσ Ἀργείων νεκροὺσ καὶ προσφορήσασ τὰ ὅπλα πρὸσ τὸ ἑωυτοῦ στρατόπεδον ἐν τῇ τάξι εἶχε ἑωυτόν.
ἡμέρῃ δὲ δευτέρῃ παρῆσαν πυνθανόμενοι ἀμφότεροι. τέωσ μὲν δὴ αὐτοὶ ἑκάτεροι ἔφασαν νικᾶν, λέγοντεσ οἳ μὲν ὡσ ἑωυτῶν πλεῦνεσ περιγεγόνασι, οἳ δὲ τοὺσ μὲν ἀποφαίνοντεσ πεφευγότασ, τὸν δὲ σφέτερον παραμείναντα καὶ σκυλεύσαντα τοὺσ ἐκείνων νεκρούσ·
τέλοσ δὲ ἐκ τῆσ ἔριδοσ συμπεσόντεσ ἐμάχοντο, πεσόντων δὲ καὶ ἀμφοτέρων πολλῶν ἐνίκων Λακεδαιμόνιοι.
Ἀργεῖοι μέν νυν ἀπὸ τούτου τοῦ χρόνου κατακειράμενοι τὰσ κεφαλάσ, πρότερον ἐπάναγκεσ κομῶντεσ, ἐποιήσαντο νόμον τε καὶ κατάρην μὴ πρότερον θρέψειν κόμην Ἀργείων μηδένα, μηδὲ τὰσ γυναῖκάσ σφι χρυσοφορήσειν, πρὶν Θυρέασ ἀνασώσωνται. Λακεδαιμόνιοι δὲ τὰ ἐναντία τούτων ἔθεντο νόμον·
οὐ γὰρ κομῶντεσ πρὸ τούτου ἀπὸ τούτου κομᾶν. τὸν δὲ ἕνα λέγουσι τὸν περιλειφθέντα τῶν τριηκοσίων Ὀθρυάδην, αἰσχυνόμενον ἀπονοστέειν ἐσ Σπάρτην τῶν οἱ συλλοχιτέων διεφθαρμένων, αὐτοῦ μιν ἐν τῇσι Θυρέῃσι καταχρήσασθαι ἑωυτόν.
호흡부호 보기
강세부호 보기
장단부호 보기
작은 Iota 보기
모든 부호 보기