헬라어 문장 검색 - ΗεροδόΤηεΗιστ́1́199́

(헤로도토스, The Histories, book 1, chapter 199)

ὁ δὲ δὴ αἴσχιστοσ τῶν νόμων ἐστὶ τοῖσι Βαβυλωνίοισι ὅδε· δεῖ πᾶσαν γυναῖκα ἐπιχωρίην ἱζομένην ἐσ ἱρὸν Ἀφροδίτησ ἅπαξ ἐν τῇ ζόῃ μιχθῆναι ἀνδρὶ ξείνῳ. πολλαὶ δὲ καὶ οὐκ ἀξιούμεναι ἀναμίσγεσθαι τῇσι ἄλλῃσι, οἱᾶ πλούτῳ ὑπερφρονέουσαι, ἐπὶ ζευγέων ἐν καμάρῃσι ἐλάσασαι πρὸσ τὸ ἱρὸν ἑστᾶσι· θεραπηίη δέ σφι ὄπισθε ἕπεται πολλή. αἱ δὲ πλεῦνεσ ποιεῦσι ὧδε·

ἐν τεμένεϊ Ἀφροδίτησ κατέαται στέφανον περὶ τῇσι κεφαλῇσι ἔχουσαι θώμιγγοσ πολλαὶ γυναῖκεσ· αἳ μὲν γὰρ προσέρχονται, αἳ δὲ ἀπέρχονται. σχοινοτενέεσ δὲ διέξοδοι πάντα τρόπον ὁδῶν ἔχουσι διὰ τῶν γυναικῶν, δι’ ὧν οἱ ξεῖνοι διεξιόντεσ ἐκλέγονται· ἔνθα ἐπεὰν ἵζηται γυνή, οὐ πρότερον ἀπαλλάσσεται ἐσ τὰ οἰκία ἤ τίσ οἱ ξείνων ἀργύριον ἐμβαλὼν ἐσ τὰ γούνατα μιχθῇ ἔξω τοῦ ἱροῦ·

ἐμβαλόντα δὲ δεῖ εἰπεῖν τοσόνδε· "ἐπικαλέω τοι τὴν θεὸν Μύλιττα. " Μύλιττα δὲ καλέουσι τὴν Ἀφροδίτην Ἀσσύριοι. τὸ δὲ ἀργύριον μέγαθοσ ἐστὶ ὅσον ὦν·

οὐ γὰρ μὴ ἀπώσηται· οὐ γάρ οἱ θέμισ ἐστί· γίνεται γὰρ ἱρὸν τοῦτο τὸ ἀργύριον. τῷ δὲ πρώτῳ ἐμβαλόντι ἕπεται οὐδὲ ἀποδοκιμᾷ οὐδένα. ἐπεὰν δὲ μιχθῇ, ἀποσιωσαμένη τῇ θεῷ ἀπαλλάσσεται ἐσ τὰ οἰκία, καὶ τὠπὸ τούτου οὐκ οὕτω μέγα τί οἱ δώσεισ ὥσ μιν λάμψεαι. ὅσσαι μέν νυν εἴδεόσ τε ἐπαμμέναι εἰσὶ καὶ μεγάθεοσ, ταχὺ ἀπαλλάσσονται, ὅσαι δὲ ἄμορφοι αὐτέων εἰσί, χρόνον πολλὸν προσμένουσι οὐ δυνάμεναι τὸν νόμον ἐκπλῆσαι·

καὶ γὰρ τριέτεα καὶ τετραέτεα μετεξέτεραι χρόνον μένουσι. ἐνιαχῇ δὲ καὶ τῆσ Κύπρου ἐστὶ παραπλήσιοσ τούτῳ νόμοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 199

(헤로도토스, The Histories, book 1, chapter 199)

상위

목록

SEARCH

MENU NAVIGATION