Herodotus, The Histories, book 1, chapter 124

(헤로도토스, The Histories, book 1, chapter 124)

ταῦτά τε δὴ ὦν ἐπιτελέα ἐγίνετο καὶ ὁ Κῦροσ παραλαβὼν τὸν λαγὸν ἀνέσχισε· εὑρὼν δὲ ἐν αὐτῷ τὸ βυβλίον ἐνεὸν λαβὼν ἐπελέγετο, τὰ δὲ γράμματα ἔλεγε τάδε. "ὦ παῖ Καμβύσεω, σὲ γὰρ θεοὶ ἐπορῶσι· οὐ γὰρ ἂν κοτὲ ἐσ τοσοῦτο τύχησ ἀπίκευ· σύ νυν Ἀστυάγεα τὸν σεωυτοῦ φονέα τῖσαι. κατὰ μὲν γὰρ τὴν τούτου προθυμίην τέθνηκασ, τὸ δὲ κατὰ θεούσ τε καὶ ἐμὲ περίεισ·

τά σε καὶ πάλαι δοκέω πάντα ἐκμεμαθηκέναι, σέο τε αὐτοῦ περὶ ὡσ ἐπρήχθη, καὶ οἱᾶ ἐγὼ ὑπὸ Ἀστυάγεοσ πέπονθα, ὅτι σε οὐκ ἀπέκτεινα ἀλλὰ ἔδωκα τῷ βουκόλῳ. σύ νυν, ἢν βούλῃ ἐμοὶ πείθεσθαι, τῆσ περ Ἀστυάγησ ἄρχει χώρησ, ταύτησ ἁπάσησ ἄρξεισ. Πέρσασ γὰρ ἀναπείσασ ἀπίστασθαι στρατηλάτεε ἐπὶ Μήδουσ· καὶ ἤν τε ἐγὼ ὑπὸ Ἀστυάγεοσ ἀποδεχθέω στρατηγὸσ ἀντία σεῦ, ἔστι τοι τὰ σὺ βούλεαι, ἤν τε τῶν τισ δοκίμων ἄλλοσ Μήδων·

πρῶτοι γὰρ οὗτοι ἀποστάντεσ ἀπ’ ἐκείνου καὶ γενόμενοι πρὸσ σέο Ἀστυάγεα καταιρέειν πειρήσονται. ὡσ ὦν ἑτοίμου τοῦ γε ἐνθάδε ἐόντοσ, ποίεε ταῦτα καὶ ποίεε κατὰ τάχοσ.

상위

The Histories

목록

일치하는 문장이 없습니다.

SEARCH

MENU NAVIGATION