헬라어 문장 검색 - ΗεροδόΤηεΗιστ́1́181́

(헤로도토스, The Histories, book 1, chapter 181)

τοῦτο μὲν δὴ τὸ τεῖχοσ θώρηξ ἐστί, ἕτερον δὲ ἔσωθεν τεῖχοσ περιθέει, οὐ πολλῷ τεῳ ἀσθενέστερον τοῦ ἑτέρου τείχεοσ, στεινότερον δέ. ἐν δὲ φάρσεϊ ἑκατέρῳ τῆσ πόλιοσ ἐτετείχιστο ἐν μέσῳ ἐν τῷ μὲν τὰ βασιλήια περιβόλῳ μεγάλῳ τε καὶ ἰσχυρῷ, ἐν δὲ τῷ ἑτέρῳ Διὸσ Βήλου ἱρὸν χαλκόπυλον, καὶ ἐσ ἐμὲ ἔτι τοῦτο ἐόν, δύο σταδίων πάντῃ, ἐὸν τετράγωνον.

ἐν μέσῳ δὲ τοῦ ἱροῦ πύργοσ στερεὸσ οἰκοδόμηται, σταδίου καὶ τὸ μῆκοσ καὶ τὸ εὖροσ, καὶ ἐπὶ τούτῳ τῷ πύργῳ ἄλλοσ πύργοσ ἐπιβέβηκε, καὶ ἕτεροσ μάλα ἐπὶ τούτῳ, μέχρι οὗ ὀκτὼ πύργων.

ἀνάβασισ δὲ ἐσ αὐτοὺσ ἔξωθεν κύκλῳ περὶ πάντασ τοὺσ πύργουσ ἔχουσα πεποίηται.

μεσοῦντι δέ κου τῆσ ἀναβάσιοσ ἐστὶ καταγωγή τε καὶ θῶκοι ἀμπαυστήριοι, ἐν τοῖσι κατίζοντεσ ἀμπαύονται οἱ ἀναβαίνοντεσ. ἐν δὲ τῷ τελευταίῳ πύργῳ νηὸσ ἔπεστι μέγασ·

ἐν δὲ τῷ νηῷ κλίνη μεγάλη κέεται εὖ ἐστρωμένη, καὶ οἱ τράπεζα παρακέεται χρυσέη. ἄγαλμα δὲ οὐκ ἔνι οὐδὲν αὐτόθι ἐνιδρυμένον, οὐδὲ νύκτα οὐδεὶσ ἐναυλίζεται ἀνθρώπων ὅτι μὴ γυνὴ μούνη τῶν ἐπιχωρίων, τὴν ἂν ὁ θεὸσ ἕληται ἐκ πασέων, ὡσ λέγουσι οἱ Χαλδαῖοι ἐόντεσ ἱρέεσ τούτου τοῦ θεοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 181

(헤로도토스, The Histories, book 1, chapter 181)

상위

목록

SEARCH

MENU NAVIGATION