헬라어 문장 검색 - ΗεροδόΤηεΗιστ́1́155́

(헤로도토스, The Histories, book 1, chapter 155)

πυθόμενοσ δὲ κατ’ ὁδὸν ταῦτα ὁ Κῦροσ εἶπε πρὸσ Κροῖσον τάδε. "Κροῖσε, τί ἔσται τέλοσ τῶν γινομένων τούτων ἐμοί; οὐ παύσονται Λυδοί, ὡσ οἴκασι, πρήγμάτα παρέχοντεσ καὶ αὐτοὶ ἔχοντεσ. φροντίζω μὴ ἄριστον ᾖ ἐξανδραποδίσασθαι σφέασ. ὁμοίωσ γὰρ μοι νῦν γε φαίνομαι πεποιηκέναι ὡσ εἴ τισ πατέρα ἀποκτείνασ τῶν παίδων αὐτοῦ φείσατο· ὡσ δὲ καὶ ἐγὼ Λυδῶν τὸν μὲν πλέον τι ἢ πατέρα ἐόντα σὲ λαβὼν ἄγω, αὐτοῖσι δὲ Λυδοῖσι τὴν πόλιν παρέδωκα, καὶ ἔπειτα θωμάζω εἰ μοι ἀπεστᾶσι.

" ὃ μὲν δὴ τά περ ἐνόεε ἔλεγε, ὃ δ’ ἀμείβετο τοῖσιδε, δείσασ μὴ ἀναστάτουσ ποιήσῃ τὰσ Σάρδισ. "ὦ βασιλεῦ, τὰ μὲν οἰκότα εἴρηκασ, σὺ μέντοι μὴ πάντα θυμῷ χρέο, μηδὲ πόλιν ἀρχαίην ἐξαναστήσῃσ ἀναμάρτητον ἐοῦσαν καὶ τῶν πρότερον καὶ τῶν νῦν ἑστεώτων.

τὰ μὲν γὰρ πρότερον ἐγώ τε ἔπρηξα καὶ ἐγὼ κεφαλῇ ἀναμάξασ φέρω· τὰ δὲ νῦν παρεόντα Πακτύησ γὰρ ἐστὶ ὁ ἀδικέων, τῷ σὺ ἐπέτρεψασ Σάρδισ, οὗτοσ δότω τοι δίκην. Λυδοῖσι δὲ συγγνώμην ἔχων τάδε αὐτοῖσι ἐπίταξον, ὡσ μήτε ἀποστέωσι μήτε δεινοί τοι ἐώσι·

ἄπειπε μέν σφι πέμψασ ὅπλα ἀρήια μὴ ἐκτῆσθαι, κέλευε δὲ σφέασ κιθῶνάσ τε ὑποδύνειν τοῖσι εἵμασι καὶ κοθόρνουσ ὑποδέεσθαι, πρόειπε δ’ αὐτοῖσι κιθαρίζειν τε καὶ ψάλλειν καὶ καπηλεύειν παιδεύειν τοὺσ παῖδασ. καὶ ταχέωσ σφέασ ὦ βασιλεῦ γυναῖκασ ἀντ’ ἀνδρῶν ὄψεαι γεγονότασ, ὥστε οὐδὲν δεινοί τοι ἔσονται μὴ ἀποστέωσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 155

(헤로도토스, The Histories, book 1, chapter 155)

상위

목록

SEARCH

MENU NAVIGATION