헬라어 문장 검색 - ΗεροδόΤηεΗιστ́1́051́

(헤로도토스, The Histories, book 1, chapter 51)

ἐπιτελέσασ δὲ ὁ Κροῖσοσ ταῦτα ἀπέπεμπε ἐσ Δελφούσ, καὶ τάδε ἄλλα ἅμα τοῖσι, κρητῆρασ δύο μεγάθεϊ μεγάλουσ, χρύσεον καὶ ἀργύρεον, τῶν ὁ μὲν χρύσεοσ ἔκειτο ἐπὶ δεξιὰ ἐσιόντι ἐσ τὸν νηόν, ὁ δὲ ἀργύρεοσ ἐπ’ ἀριστερά. μετεκινήθησαν δὲ καὶ οὗτοι ὑπὸ τὸν νηὸν κατακαέντα καὶ ὁ μὲν χρύσεοσ κεῖται ἐν τῷ Κλαζομενίων θησαυρῷ, ἕλκων σταθμὸν εἴνατον ἡμιτάλαντον καὶ ἔτι δυώδεκα μνέασ, ὁ δὲ ἀργύρεοσ ἐπὶ τοῦ προνηίου τῆσ γωνίησ, χωρέων ἀμφορέασ ἑξακοσίουσ·

ἐπικίρναται γὰρ ὑπὸ Δελφῶν Θεοφανίοισι. φασὶ δὲ μιν Δελφοὶ Θεοδώρου τοῦ Σαμίου ἔργον εἶναι, καὶ ἐγὼ δοκέω·

οὐ γὰρ τὸ συντυχὸν φαίνεταί μοι ἔργον εἶναι. καὶ πίθουσ τε ἀργυρέουσ τέσσερασ ἀπέπεμψε, οἳ ἐν τῷ Κορινθίων θησαυρῷ ἑστᾶσι, καὶ περιρραντήρια δύο ἀνέθηκε, χρύσεόν τε καὶ ἀργύρεον, τῶν τῷ χρυσέῳ ἐπιγέγραπται Λακεδαιμονίων φαμένων εἶναι ἀνάθημα, οὐκ ὀρθῶσ λέγοντεσ· ἔστι γὰρ καὶ τοῦτο Κροίσου, ἐπέγραψε δὲ τῶν τισ Δελφῶν Λακεδαιμονίοισι βουλόμενοσ χαρίζεσθαι, τοῦ ἐπιστάμενοσ τὸ οὔνομα οὐκ ἐπιμνήσομαι.

ἀλλ’ ὁ μὲν παῖσ, δι’ οὗ τῆσ χειρὸσ ῥέει τὸ ὕδωρ, Λακεδαιμονίων ἐστί, οὐ μέντοι τῶν γε περιρραντηρίων οὐδέτερον. ἄλλα τε ἀναθήματα οὐκ ἐπίσημα πολλὰ ἀπέπεμψε ἅμα τούτοισι ὁ Κροῖσοσ, καὶ χεύματα ἀργύρεα κυκλοτερέα, καὶ δὴ καὶ γυναικὸσ εἴδωλον χρύσεον τρίπηχυ, τὸ Δελφοὶ τῆσ ἀρτοκόπου τῆσ Κροίσου εἰκόνα λέγουσι εἶναι.

πρὸσ δὲ καὶ τῆσ ἑωυτοῦ γυναικὸσ τὰ ἀπὸ τῆσ δειρῆσ ἀνέθηκε ὁ Κροῖσοσ καὶ τὰσ ζώνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 51

(헤로도토스, The Histories, book 1, chapter 51)

상위

목록

SEARCH

MENU NAVIGATION