호흡부호 보기
강세부호 보기
장단부호 보기
작은 Iota 보기
모든 부호 보기
Ἡροδότου Ἁλικαρνησσέοσ ἱστορίησ ἀπόδεξισ ἥδε, ὡσ μήτε τὰ γενόμενα ἐξ ἀνθρώπων τῷ χρόνῳ ἐξίτηλα γένηται, μήτε ἔργα μεγάλα τε καὶ θωμαστά, τὰ μὲν Ἕλλησι τὰ δὲ βαρβάροισι ἀποδεχθέντα, ἀκλεᾶ γένηται, τά τε ἄλλα καὶ δι’ ἣν αἰτίην ἐπολέμησαν ἀλλήλοισι. Περσέων μέν νυν οἱ λόγιοι Φοίνικασ αἰτίουσ φασὶ γενέσθαι τῆσ διαφορῆσ.
τούτουσ γὰρ ἀπὸ τῆσ Ἐρυθρῆσ καλεομένησ θαλάσσησ ἀπικομένουσ ἐπὶ τήνδε τὴν θάλασσαν, καὶ οἰκήσαντασ τοῦτον τὸν χῶρον τὸν καὶ νῦν οἰκέουσι, αὐτίκα ναυτιλίῃσι μακρῇσι ἐπιθέσθαι, ἀπαγινέοντασ δὲ φορτία Αἰγύπτιά τε καὶ Ἀσσύρια τῇ τε ἄλλῃ ἐσαπικνέεσθαι καὶ δὴ καὶ ἐσ Ἄργοσ. τὸ δὲ Ἄργοσ τοῦτον τὸν χρόνον προεῖχε ἅπασι τῶν ἐν τῇ νῦν Ἑλλάδι καλεομένῃ χωρῇ.
ἀπικομένουσ δὲ τούσ Φοίνικασ ἐσ δὴ τὸ Ἄργοσ τοῦτο διατίθεσθαι τὸν φόρτον. πέμπτῃ δὲ ἢ ἕκτῃ ἡμέρῃ ἀπ’ ἧσ ἀπίκοντο, ἐξεμπολημένων σφι σχεδόν πάντων, ἐλθεῖν ἐπὶ τὴν θάλασσαν γυναῖκασ ἄλλασ τε πολλάσ καὶ δὴ καὶ τοῦ βασιλέοσ θυγατέρα·
τὸ δέ οἱ οὔνομα εἶναι, κατὰ τὠυτὸ τὸ καὶ Ἕλληνέσ λέγουσι, Ιοὖν τὴν Ἰνάχου· ταύτασ στάσασ κατά πρύμνην τῆσ νεὸσ ὠνέεσθαι τῶν φορτίων τῶν σφι ἦν θυμόσ μάλιστα·
καὶ τοὺσ Φοίνικασ διακελευσαμένουσ ὁρμῆσαι ἐπ’ αὐτάσ. τὰσ μὲν δὴ πλεῦνασ τῶν γυναικῶν ἀποφυγεῖν, τὴν δὲ Ιοὖν σὺν ἄλλῃσι ἁρπασθῆναι. ἐσβαλομένουσ δὲ ἐσ τὴν νέα οἴχεσθαι ἀποπλέοντασ ἐπ’ Αἰγύπτου.
호흡부호 보기
강세부호 보기
장단부호 보기
작은 Iota 보기
모든 부호 보기