헬라어 문장 검색 - ΗεροδόΤηεΗιστ́1́126́

(헤로도토스, The Histories, book 1, chapter 126)

ὡσ δὲ παρῆσαν ἅπαντεσ ἔχοντεσ τὸ προειρημένον, ἐνθαῦτα ὁ Κῦροσ, ἦν γάρ τισ χῶροσ τῆσ Περσικῆσ ἀκανθώδησ ὅσον τε ἐπὶ ὀκτωκαίδεκα σταδίουσ ἢ εἴκοσι πάντῃ, τοῦτον σφι τὸν χῶρον προεῖπε ἐξημερῶσαι ἐν ἡμέρῃ. ἐπιτελεσάντων δὲ τῶν Περσέων τὸν προκείμενον ἀέθλον, δεύτερα σφι προεῖπε ἐσ τὴν ὑστεραίην παρεῖναι λελουμένουσ.

ἐν δὲ τούτῳ τά τε αἰπόλια καὶ τὰσ ποίμνασ καὶ τὰ βουκόλια ὁ Κῦροσ πάντα τοῦ πατρὸσ συναλίσασ ἐσ τὠυτὸ ἔθυσε καὶ παρεσκεύαζε ὡσ δεξόμενοσ τὸν Περσέων στρατόν, πρὸσ δὲ οἴνῳ τε καὶ σιτίοισι ὡσ ἐπιτηδεοτάτοισι. ἀπικομένουσ δὲ τῇ ὑστεραίῃ τοὺσ Πέρσασ κατακλίνασ ἐσ λειμῶνα εὐώχεε.

ἐπείτε δὲ ἀπὸ δείπνου ἦσαν, εἴρετο σφέασ ὁ Κῦροσ κότερα τὰ τῇ προτεραίῃ εἶχον ἢ τὰ παρεόντα σφι εἰή αἱρετώτερα. οἳ δὲ ἔφασαν πολλὸν εἶναι αὐτῶν τὸ μέσον·

τὴν μὲν γὰρ προτέρην ἡμέρην πάντα σφι κακὰ ἔχειν, τὴν δὲ τότε παρεοῦσαν πάντα ἀγαθά. παραλαβὼν δὲ τοῦτο τὸ ἔποσ ὁ Κῦροσ παρεγύμνου τὸν πάντα λόγον, λέγων "ἄνδρεσ Πέρσαι, οὕτω ὑμῖν ἔχει. βουλομένοισι μὲν ἐμέο πείθεσθαί ἔστι τάδε τε καὶ ἄλλα μυρία ἀγαθά, οὐδένα πόνον δουλοπρεπέα ἔχουσι, μὴ βουλομένοισι δὲ ἐμέο πείθεσθαι εἰσὶ ὑμῖν πόνοι τῷ χθιζῷ παραπλήσιοι ἀναρίθμητοι.

νῦν ὦν ἐμέο πειθόμενοι γίνεσθε ἐλεύθεροι.

αὐτόσ τε γὰρ δοκέω θείῃ τύχῃ γεγονὼσ τάδε ἐσ χεῖρασ ἄγεσθαι, καὶ ὑμέασ ἥγημαι ἄνδρασ Μήδων εἶναι οὐ φαυλοτέρουσ οὔτε τἄλλα οὔτε τὰ πολέμια. ὡσ ὦν ἐχόντων ὧδε, ἀπίστασθε ἀπ’ Ἀστυάγεοσ τὴν ταχίστην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 126

(헤로도토스, The Histories, book 1, chapter 126)

상위

목록

SEARCH

MENU NAVIGATION