Herodotus, The Histories, book 1, chapter 126

(헤로도토스, The Histories, book 1, chapter 126)

ὡσ δὲ παρῆσαν ἅπαντεσ ἔχοντεσ τὸ προειρημένον, ἐνθαῦτα ὁ Κῦροσ, ἦν γάρ τισ χῶροσ τῆσ Περσικῆσ ἀκανθώδησ ὅσον τε ἐπὶ ὀκτωκαίδεκα σταδίουσ ἢ εἴκοσι πάντῃ, τοῦτον σφι τὸν χῶρον προεῖπε ἐξημερῶσαι ἐν ἡμέρῃ. ἐπιτελεσάντων δὲ τῶν Περσέων τὸν προκείμενον ἀέθλον, δεύτερα σφι προεῖπε ἐσ τὴν ὑστεραίην παρεῖναι λελουμένουσ.

ἐν δὲ τούτῳ τά τε αἰπόλια καὶ τὰσ ποίμνασ καὶ τὰ βουκόλια ὁ Κῦροσ πάντα τοῦ πατρὸσ συναλίσασ ἐσ τὠυτὸ ἔθυσε καὶ παρεσκεύαζε ὡσ δεξόμενοσ τὸν Περσέων στρατόν, πρὸσ δὲ οἴνῳ τε καὶ σιτίοισι ὡσ ἐπιτηδεοτάτοισι. ἀπικομένουσ δὲ τῇ ὑστεραίῃ τοὺσ Πέρσασ κατακλίνασ ἐσ λειμῶνα εὐώχεε.

ἐπείτε δὲ ἀπὸ δείπνου ἦσαν, εἴρετο σφέασ ὁ Κῦροσ κότερα τὰ τῇ προτεραίῃ εἶχον ἢ τὰ παρεόντα σφι εἰή αἱρετώτερα. οἳ δὲ ἔφασαν πολλὸν εἶναι αὐτῶν τὸ μέσον·

τὴν μὲν γὰρ προτέρην ἡμέρην πάντα σφι κακὰ ἔχειν, τὴν δὲ τότε παρεοῦσαν πάντα ἀγαθά. παραλαβὼν δὲ τοῦτο τὸ ἔποσ ὁ Κῦροσ παρεγύμνου τὸν πάντα λόγον, λέγων "ἄνδρεσ Πέρσαι, οὕτω ὑμῖν ἔχει. βουλομένοισι μὲν ἐμέο πείθεσθαί ἔστι τάδε τε καὶ ἄλλα μυρία ἀγαθά, οὐδένα πόνον δουλοπρεπέα ἔχουσι, μὴ βουλομένοισι δὲ ἐμέο πείθεσθαι εἰσὶ ὑμῖν πόνοι τῷ χθιζῷ παραπλήσιοι ἀναρίθμητοι.

νῦν ὦν ἐμέο πειθόμενοι γίνεσθε ἐλεύθεροι.

αὐτόσ τε γὰρ δοκέω θείῃ τύχῃ γεγονὼσ τάδε ἐσ χεῖρασ ἄγεσθαι, καὶ ὑμέασ ἥγημαι ἄνδρασ Μήδων εἶναι οὐ φαυλοτέρουσ οὔτε τἄλλα οὔτε τὰ πολέμια. ὡσ ὦν ἐχόντων ὧδε, ἀπίστασθε ἀπ’ Ἀστυάγεοσ τὴν ταχίστην.

상위

The Histories

목록

일치하는 문장이 없습니다.

SEARCH

MENU NAVIGATION