호흡부호 보기
강세부호 보기
장단부호 보기
작은 Iota 보기
모든 부호 보기
ἐνθαῦτα λέγεται ὑπὸ Λυδῶν Κροῖσον μαθόντα τὴν Κύρου μετάγνωσιν, ὡσ ὡρ́α πάντα μὲν ἄνδρα σβεννύντα τὸ πῦρ, δυναμένουσ δὲ οὐκέτι καταλαβεῖν, ἐπιβώσασθαι τὸν Ἀπόλλωνα ἐπικαλεόμενον, εἴ τί οἱ κεχαρισμένον ἐξ αὐτοῦ ἐδωρήθη, παραστῆναι καὶ ῥύσασθαι αὐτὸν ἐκ τοῦ παρεόντοσ κακοῦ. τὸν μὲν δακρύοντα ἐπικαλέεσθαι τὸν θεόν, ἐκ δὲ αἰθρίησ τε καὶ νηνεμίησ συνδραμεῖν ἐξαπίνησ νέφεα καὶ χειμῶνά τε καταρραγῆναι καὶ ὗσαι ὕδατι λαβροτάτῳ, κατασβεσθῆναί τε τὴν πυρήν.
οὕτω δὴ μαθόντα τὸν Κῦρον ὡσ εἰή ὁ Κροῖσοσ καὶ θεοφιλὴσ καὶ ἀνὴρ ἀγαθόσ, καταβιβάσαντα αὐτὸν ἀπὸ τῆσ πυρῆσ εἰρέσθαι τάδε. "Κροῖσε, τίσ σε ἀνθρώπων ἀνέγνωσε ἐπὶ γῆν τὴν ἐμὴν στρατευσάμενον πολέμιον ἀντὶ φίλου ἐμοὶ καταστῆναι;
ὁ δὲ εἶπε "ὦ βασιλεῦ, ἐγὼ ταῦτα ἔπρηξα τῇ σῇ μὲν εὐδαιμονίῃ, τῇ ἐμεωυτοῦ δὲ κακοδαιμονίῃ, αἴτιοσ δὲ τούτων ἐγένετο ὁ Ἑλλήνων θεὸσ ἐπαείρασ ἐμὲ στρατεύεσθαι. οὐδεὶσ γὰρ οὕτω ἀνόητοσ ἐστὶ ὅστισ πόλεμον πρὸ εἰρήνησ αἱρέεται·
ἐν μὲν γὰρ τῇ οἱ παῖδεσ τοὺσ πατέρασ θάπτουσι, ἐν δὲ τῷ οἱ πατέρεσ τοὺσ παῖδασ. ἀλλὰ ταῦτα δαίμοσί κου φίλον ἦν οὕτω γενέσθαι.
호흡부호 보기
강세부호 보기
장단부호 보기
작은 Iota 보기
모든 부호 보기