Herodotus, The Histories, book 1, chapter 30

(헤로도토스, The Histories, book 1, chapter 30)

αὐτῶν δὴ ὦν τούτων καὶ τῆσ θεωρίησ ἐκδημήσασ ὁ Σόλων εἵνεκεν ἐσ Αἴγυπτον ἀπίκετο παρὰ Ἄμασιν καὶ δὴ καὶ ἐσ Σάρδισ παρὰ Κροῖσον. ἀπικόμενοσ δὲ ἐξεινίζετο ἐν τοῖσι βασιληίοισι ὑπὸ τοῦ Κροίσου· μετὰ δὲ ἡμέρῃ τρίτῃ ἢ τετάρτῃ κελεύσαντοσ Κροίσου τὸν Σόλωνα θεράποντεσ περιῆγον κατὰ τοὺσ θησαυρούσ, καὶ ἐπεδείκνυσαν πάντα ἐόντα μεγάλα τε καὶ ὄλβια. θεησάμενον δέ μιν τὰ πάντα καὶ σκεψάμενον ὥσ οἱ κατὰ καιρὸν ἦν, εἴρετο ὁ Κροῖσοσ τάδε.

"ξεῖνε Ἀθηναῖε, παρ’ ἡμέασ γὰρ περὶ σέο λόγοσ ἀπῖκται πολλὸσ καὶ σοφίησ εἵνεκεν τῆσ σῆσ καὶ πλάνησ, ὡσ φιλοσοφέων γῆν πολλὴν θεωρίησ εἵνεκεν ἐπελήλυθασ· νῦν ὦν ἐπειρέσθαι με ἵμεροσ ἐπῆλθέ σε εἴ τινα ἤδη πάντων εἶδεσ ὀλβιώτατον. ὃ μὲν ἐλπίζων εἶναι ἀνθρώπων ὀλβιώτατοσ ταῦτα ἐπειρώτα·

Σόλων δὲ οὐδὲν ὑποθωπεύσασ ἀλλὰ τῷ ἐόντι χρησάμενοσ λέγει "ὦ βασιλεῦ, Τέλλον Ἀθηναῖον. ἀποθωμάσασ δὲ Κροῖσοσ τὸ λεχθὲν εἴρετο ἐπιστρεφέωσ·

"κοίῃ δὴ κρίνεισ Τέλλον εἶναι ὀλβιώτατον; ὁ δὲ εἶπε Τέλλῳ τοῦτο μὲν τῆσ πόλιοσ εὖ ἡκούσησ παῖδεσ ἦσαν καλοί τε κἀγαθοί, καί σφι εἶδε ἅπασι τέκνα ἐκγενόμενα καὶ πάντα παραμείναντα· τοῦτο δὲ τοῦ βίου εὖ ἥκοντι, ὡσ τὰ παρ’ ἡμῖν, τελευτὴ τοῦ βίου λαμπροτάτη ἐπεγένετο· γενομένησ γὰρ Ἀθηναίοισι μάχησ πρὸσ τοὺσ ἀστυγείτονασ ἐν Ἐλευσῖνι, βοηθήσασ καὶ τροπὴν ποιήσασ τῶν πολεμίων ἀπέθανε κάλλιστα, καί μιν Ἀθηναῖοι δημοσίῃ τε ἔθαψαν αὐτοῦ τῇ περ ἔπεσε καὶ ἐτίμησαν μεγάλωσ.

상위

The Histories

목록

일치하는 문장이 없습니다.

SEARCH

MENU NAVIGATION