호흡부호 보기
강세부호 보기
장단부호 보기
작은 Iota 보기
모든 부호 보기
τὸ μὲν δὴ τεῖχοσ τοῖσι Φωκαιεῦσι τρόπῳ τοιῶδε ἐξεποιήθη. ὁ δὲ Ἅρπαγοσ ὡσ ἐπήλασε τὴν στρατιήν, ἐπολιόρκεε αὐτούσ, προισχόμενοσ ἔπεα ὥσ οἱ καταχρᾷ εἰ βούλονται Φωκαιέεσ προμαχεῶνα ἕνα μοῦνον τοῦ τείχεοσ ἐρεῖψαι καὶ οἴκημα ἓν κατιρῶσαι. οἱ δὲ Φωκαιέεσ περιημεκτέοντεσ τῇ δουλοσύνη ἔφασαν θέλειν βουλεύσασθαι ἡμέρην μίαν καὶ ἔπειτα ὑποκρινέεσθαι·
ἐν ᾧ δὲ βουλεύονται αὐτοί, ἀπαγαγεῖν ἐκεῖνον ἐκέλευον τὴν στρατιὴν ἀπὸ τοῦ τείχεοσ.
ὁ δ’ Ἅρπαγοσ ἔφη εἰδέναι μὲν εὖ τὰ ἐκεῖνοι μέλλοιεν ποιέειν, ὅμωσ δὲ σφι παριέναι βουλεύσασθαι. ἐν ᾧ ὦν ὁ Ἅρπαγοσ ἀπὸ τοῦ τείχεοσ ἀπήγαγε τὴν, στρατιήν, οἱ Φωκαιέεσ ἐν τούτῳ κατασπάσαντεσ τὰσ πεντηκοντέρουσ, ἐσθέμενοι τέκνα καὶ γυναῖκασ καὶ ἔπιπλα πάντα, πρὸσ δὲ καὶ τὰ ἀγάλματα τὰ ἐν τῶν ἱρῶν καὶ τὰ ἄλλα ἀναθήματα, χωρὶσ ὅ τι χαλκὸσ ἢ λίθοσ ἢ γραφὴ ἦν, τὰ δὲ ἄλλα πάντα ἐσθέντεσ καὶ αὐτοὶ εἰσβάντεσ ἔπλεον ἐπὶ Χίου. τὴν δὲ Φωκαίην ἐρημωθεῖσαν ἀνδρῶν ἔσχον οἱ Πέρσαι.
호흡부호 보기
강세부호 보기
장단부호 보기
작은 Iota 보기
모든 부호 보기