헬라어 문장 검색 - ΗεροδόΤηεΗιστ́1́062́

(헤로도토스, The Histories, book 1, chapter 62)

ἐξ Ἐρετρίησ δὲ ὁρμηθέντεσ διὰ ἑνδεκάτου ἔτεοσ ἀπίκοντο ὀπίσω, καὶ πρῶτον τῆσ Ἀττικῆσ ἴσχουσι Μαραθῶνα. ἐν δὲ τούτῳ τῷ χώρῳ σφι στρατοπεδευομένοισι οἵ τε ἐκ τοῦ ἄστεοσ στασιῶται ἀπίκοντο ἄλλοι τε ἐκ τῶν δήμων προσέρρεον, τοῖσι ἡ τυραννὶσ πρὸ ἐλευθερίησ ἦν ἀσπαστότερον. οὗτοι μὲν δὴ συνηλίζοντο, Ἀθηναίων δὲ οἱ ἐκ τοῦ ἄστεοσ, ἑώσ μὲν Πεισίστρατοσ τὰ χρήματα ἤγειρε, καὶ μεταῦτισ ὡσ ἔσχε Μαραθῶνα, λόγον οὐδένα εἶχον·

ἐπείτε δὲ ἐπύθοντο ἐκ τοῦ Μαραθῶνοσ αὐτὸν πορεύεσθαι ἐπὶ τὸ ἄστυ, οὕτω δὴ βοηθέουσι ἐπ’ αὐτόν. καὶ οὗτοί τε πανστρατιῇ ἠίσαν ἐπὶ τοὺσ κατιόντασ καὶ οἱ ἀμφὶ Πεισίστρατον, ὡσ ὁρμηθέντεσ ἐκ Μαραθῶνοσ ἠίσαν ἐπὶ τὸ ἄστυ, ἐσ τὠυτὸ συνιόντεσ ἀπικνέονται ἐπὶ Παλληνίδοσ Ἀθηναίησ ἱρόν, καὶ ἀντία ἔθεντο τὰ ὅπλα.

ἐνθαῦτα θείῃ πομπῇ χρεώμενοσ παρίσταται Πεισιστράτῳ Ἀμφίλυτοσ ὁ Ἀκαρνὰν χρησμολόγοσ ἀνήρ, ὅσ οἱ προσιὼν χρᾷ ἐν ἑξαμέτρῳ τόνῳ τάδε λέγων·

"ἔρριπται δ’ ὁ βόλοσ, τὸ δὲ δίκτυον ἐκπεπέτασται, θύννοι δ’ οἰμήσουσι σεληναίησ διὰ νυκτόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 62

(헤로도토스, The Histories, book 1, chapter 62)

상위

목록

SEARCH

MENU NAVIGATION