호흡부호 보기
강세부호 보기
장단부호 보기
작은 Iota 보기
모든 부호 보기
ἐξ Ἐρετρίησ δὲ ὁρμηθέντεσ διὰ ἑνδεκάτου ἔτεοσ ἀπίκοντο ὀπίσω, καὶ πρῶτον τῆσ Ἀττικῆσ ἴσχουσι Μαραθῶνα. ἐν δὲ τούτῳ τῷ χώρῳ σφι στρατοπεδευομένοισι οἵ τε ἐκ τοῦ ἄστεοσ στασιῶται ἀπίκοντο ἄλλοι τε ἐκ τῶν δήμων προσέρρεον, τοῖσι ἡ τυραννὶσ πρὸ ἐλευθερίησ ἦν ἀσπαστότερον. οὗτοι μὲν δὴ συνηλίζοντο, Ἀθηναίων δὲ οἱ ἐκ τοῦ ἄστεοσ, ἑώσ μὲν Πεισίστρατοσ τὰ χρήματα ἤγειρε, καὶ μεταῦτισ ὡσ ἔσχε Μαραθῶνα, λόγον οὐδένα εἶχον·
ἐπείτε δὲ ἐπύθοντο ἐκ τοῦ Μαραθῶνοσ αὐτὸν πορεύεσθαι ἐπὶ τὸ ἄστυ, οὕτω δὴ βοηθέουσι ἐπ’ αὐτόν. καὶ οὗτοί τε πανστρατιῇ ἠίσαν ἐπὶ τοὺσ κατιόντασ καὶ οἱ ἀμφὶ Πεισίστρατον, ὡσ ὁρμηθέντεσ ἐκ Μαραθῶνοσ ἠίσαν ἐπὶ τὸ ἄστυ, ἐσ τὠυτὸ συνιόντεσ ἀπικνέονται ἐπὶ Παλληνίδοσ Ἀθηναίησ ἱρόν, καὶ ἀντία ἔθεντο τὰ ὅπλα.
ἐνθαῦτα θείῃ πομπῇ χρεώμενοσ παρίσταται Πεισιστράτῳ Ἀμφίλυτοσ ὁ Ἀκαρνὰν χρησμολόγοσ ἀνήρ, ὅσ οἱ προσιὼν χρᾷ ἐν ἑξαμέτρῳ τόνῳ τάδε λέγων·
"ἔρριπται δ’ ὁ βόλοσ, τὸ δὲ δίκτυον ἐκπεπέτασται, θύννοι δ’ οἰμήσουσι σεληναίησ διὰ νυκτόσ.
호흡부호 보기
강세부호 보기
장단부호 보기
작은 Iota 보기
모든 부호 보기