호흡부호 보기
강세부호 보기
장단부호 보기
작은 Iota 보기
모든 부호 보기
τότε μὲν δὴ οὕτω οὐδέν δηλώσασα ἡσυχίην εἶχε. ὡσ δὲ ἡμέρη τάχιστα ἐγεγόνεε, τῶν οἰκετέων τοὺσ μάλιστα ὡρ́α πιστοὺσ ἐόντασ ἑωυτῇ, ἑτοίμουσ ποιησαμένη ἐκάλεε τὸν Γύγεα. ὁ δὲ οὐδὲν δοκέων αὐτήν τῶν πρηχθέντων ἐπίστασθαι ἦλθε καλεόμενοσ· ἐώθεε γὰρ καὶ πρόσθε, ὅκωσ ἡ βασίλεια καλέοι, φοιτᾶν. ὡσ δὲ ὁ Γύγησ ἀπίκετο, ἔλεγε ἡ γυνὴ τάδε.
"νῦν τοί δυῶν ὁδῶν παρεουσέων Γύγη δίδωμί αἱρ́εσιν, ὁκοτέρην βούλεαι τραπέσθαι. ἢ γὰρ Κανδαύλεα ἀποκτείνασ ἐμέ τε καὶ τὴν βασιληίην ἔχε τὴν Λυδῶν, ἢ αὐτόν σε αὐτίκα οὕτω ἀποθνήσκειν δεῖ, ὡσ ἂν μὴ πάντα πειθόμενοσ Κανδαύλῃ τοῦ λοιποῦ ἴδῃσ τὰ μὴ σε δεῖ. ἀλλ’ ἤτοι κεῖνόν γε τὸν ταῦτα βουλεύσαντα δεῖ ἀπόλλυσθαι, ἢ σε τὸν ἐμὲ γυμνήν θεησάμενον καὶ ποιήσαντα οὐ νομιζόμενα.
" ὁ δὲ Γύγησ τέωσ μὲν ἀπεθώμαζε τὰ λεγόμενα, μετὰ δὲ ἱκέτευε μὴ μιν ἀναγκαίῃ ἐνδέειν διακρῖναι τοιαύτην αἱρ́εσιν. οὔκων δὴ ἔπειθε, ἀλλ’ ὡρ́α ἀναγκαίην ἀληθέωσ προκειμένην ἢ τὸν δεσπότεα ἀπολλύναι ἢ αὐτὸν ὑπ’ ἄλλων ἀπόλλυσθαι·
αἱρέεται αὐτὸσ περιεῖναι. ἐπειρώτα δὴ λέγων τάδε. "ἐπεί με ἀναγκάζεισ δεσπότεα τὸν ἐμὸν κτείνειν οὐκ ἐθέλοντα, φέρε ἀκούσω τέῳ καὶ τρόπῳ ἐπιχειρήσομεν αὐτῷ. ἣ δὲ ὑπολαβοῦσα ἔφη "ἐκ τοῦ αὐτοῦ μὲν χωρίου ἡ ὁρμή ἔσται ὅθεν περ καὶ ἐκεῖνοσ ἐμέ ἐπεδέξατο γυμνήν, ὑπνωμένῳ δὲ ἡ ἐπιχείρησισ ἔσται.
호흡부호 보기
강세부호 보기
장단부호 보기
작은 Iota 보기
모든 부호 보기