호흡부호 보기
강세부호 보기
장단부호 보기
작은 Iota 보기
모든 부호 보기
Κροῖσοσ δὲ ἐπὶ δύο ἔτεα ἐν πένθεϊ μεγάλῳ κατῆστο τοῦ παιδὸσ ἐστερημένοσ. μετὰ δὲ ἡ Ἀστυάγεοσ τοῦ Κυαξάρεω ἡγεμονίη καταιρεθεῖσα ὑπὸ Κύρου τοῦ Καμβύσεω καὶ τὰ τῶν Περσέων πρήγματα αὐξανόμενα πένθεοσ μὲν Κροῖσον ἀπέπαυσε, ἐνέβησε δὲ ἐσ φροντίδα, εἴ κωσ δύναιτο, πρὶν μεγάλουσ γενέσθαι τοὺσ Πέρσασ, καταλαβεῖν αὐτῶν αὐξανομένην τὴν δύναμιν. μετὰ ὦν τὴν διάνοιαν ταύτην αὐτίκα ἀπεπειρᾶτο τῶν μαντείων τῶν τε ἐν Ἕλλησι καὶ τοῦ ἐν Λιβύῃ, διαπέμψασ ἄλλουσ ἄλλῃ, τοὺσ μὲν ἐσ Δελφοὺσ ἰέναι, τοὺσ δὲ ἐσ Ἄβασ τὰσ Φωκέων, τοὺσ δὲ ἐσ Δωδώνην·
οἳ δὲ τινὲσ ἐπέμποντο παρὰ τε Ἀμφιάρεων καὶ παρὰ Τροφώνιον, οἳ δὲ τῆσ Μιλησίησ ἐσ Βραγχίδασ. ταῦτα μέν νυν τὰ Ἑλληνικὰ μαντήια ἐσ τὰ ἀπέπεμψε μαντευσόμενοσ Κροῖσοσ·
Λιβύησ δὲ παρὰ Ἄμμωνα ἀπέστελλε ἄλλουσ χρησομένουσ. διέπεμπε δὲ πειρώμενοσ τῶν μαντηίων ὅ τι φρονέοιεν, ὡσ εἰ φρονέοντα τὴν ἀληθείην εὑρεθείη, ἐπείρηται σφέα δεύτερα πέμπων εἰ ἐπιχειρέοι ἐπὶ Πέρσασ στρατεύεσθαι.
호흡부호 보기
강세부호 보기
장단부호 보기
작은 Iota 보기
모든 부호 보기