Herodotus, The Histories, book 1, chapter 193

(헤로도토스, The Histories, book 1, chapter 193)

ἡ δὲ γῆ τῶν Ἀσσυρίων ὑέται μὲν ὀλίγῳ, καὶ τὸ ἐκτρέφον τὴν ῥίζαν τοῦ σίτου ἐστὶ τοῦτο· ἀρδόμενον μέντοι ἐκ τοῦ ποταμοῦ ἁδρύνεταί τε τὸ λήιον καὶ παραγίνεται ὁ σῖτοσ, οὐ κατὰ περ ἐν Αἰγύπτῳ αὐτοῦ τοῦ ποταμοῦ ἀναβαίνοντοσ ἐσ τὰσ ἀρούρασ, ἀλλὰ χερσί τε καὶ κηλωνηίοισι ἀρδόμενοσ. ἡ γὰρ Βαβυλωνίη χώρη πᾶσα, κατά περ ἡ Αἰγυπτίη, κατατέτμηται ἐσ διώρυχασ·

καὶ ἡ μεγίστη τῶν διωρύχων ἐστὶ νηυσιπέρητοσ, πρὸσ ἥλιον τετραμμένη τὸν χειμερινόν, ἐσέχει δὲ ἐσ ἄλλον ποταμὸν ἐκ τοῦ Εὐφρήτεω, ἐσ τὸν Τίγρην, παρ’ ὃν Νίνοσ πόλισ οἴκητο. ἔστι δὲ χωρέων αὕτη πασέων μακρῷ ἀρίστη τῶν ἡμεῖσ ἴδμεν Δήμητροσ καρπὸν ἐκφέρειν . . . τὰ γὰρ δὴ ἄλλα δένδρεα οὐδὲ πειρᾶται ἀρχὴν φέρειν, οὔτε συκέην οὔτε ἄμπελον οὔτε ἐλαίην.

τὸν δὲ τῆσ Δήμητροσ καρπὸν ὧδε ἀγαθὴ ἐκφέρειν ἐστὶ ὥστε ἐπὶ διηκόσια μὲν τὸ παράπαν ἀποδιδοῖ, ἐπειδὰν δὲ ἄριστα αὐτὴ ἑωυτῆσ ἐνείκῃ, ἐπὶ τριηκόσια ἐκφέρει. τὰ δὲ φύλλα αὐτόθι τῶν τε πυρῶν καὶ τῶν κριθέων τὸ πλάτοσ γίνεται τεσσέρων εὐπετέωσ δακτύλων. ἐκ δὲ κέγχρου καὶ σησάμου ὅσον τι δένδρον μέγαθοσ γίνεται, ἐξεπιστάμενοσ μνήμην οὐ ποιήσομαι, εὖ εἰδὼσ ὅτι τοῖσι μὴ ἀπιγμένοισι ἐσ τὴν Βαβυλωνίην χώρην καὶ τὰ εἰρημένα καρπῶν ἐχόμενα ἐσ ἀπιστίην πολλὴν ἀπῖκται.

χρέωνται δὲ οὐδὲν ἐλαίῳ ἀλλ’ ἢ ἐκ τῶν σησάμων ποιεῦντεσ. εἰσὶ δέ σφι φοίνικεσ πεφυκότεσ ἀνὰ πᾶν τὸ πεδίον, οἱ πλεῦνεσ αὐτῶν καρποφόροι, ἐκ τῶν καὶ σιτία καὶ οἶνον καὶ μέλι ποιεῦνται· τοὺσ συκέων τρόπον θεραπεύουσι τά τε ἄλλα καὶ φοινίκων τοὺσ ἔρσενασ Ἕλληνὲσ καλέουσι, τούτων τὸν καρπὸν περιδέουσι τῇσι βαλανηφόροισι τὸν φοινίκων, ἵνα πεπαίνῃ τε σφι ὁ ψὴν τὴν βάλανον ἐσδύνων καὶ μὴ ἀπορρέῃ ὁ καρπὸσ τοῦ φοίνικοσ·

ψῆνασ γὰρ δὴ φέρουσι ἐν τῷ καρπῷ οἱ ἔρσενεσ κατά περ δὴ οἱ ὄλυνθοι.

상위

The Histories

목록

일치하는 문장이 없습니다.

SEARCH

MENU NAVIGATION