헬라어 문장 검색 - ΗεροδόΤηεΗιστ́1́186́

(헤로도토스, The Histories, book 1, chapter 186)

ταῦτα μὲν δὴ ἐκ βάθεοσ περιεβάλετο, τοιήνδε δὲ ἐξ αὐτῶν παρενθήκην ἐποιήσατο. τῆσ πόλιοσ ἐούσησ δύο φαρσέων, τοῦ δὲ ποταμοῦ μέσον ἔχοντοσ, ἐπὶ τῶν πρότερον βασιλέων ὅκωσ τισ ἐθέλοι ἐκ τοῦ ἑτέρου φάρσεοσ ἐσ τοὔτερον διαβῆναι, χρῆν πλοίῳ διαβαίνειν, καὶ ἦν, ὡσ ἐγὼ δοκέω, ὀχληρὸν τοῦτο. αὕτη δὲ καὶ τοῦτο προεῖδε. ἐπείτε γὰρ ὤρυσσε τὸ ἔλυτρον τῇ λίμνῃ, μνημόσυνον τόδε ἄλλο ἀπὸ τοῦ αὐτοῦ ἔργου ἐλίπετο· ἐτάμνετο λίθουσ περιμήκεασ, ὡσ δέ οἱ ἦσαν οἱ λίθοι ἕτοιμοι καὶ τὸ χωρίον ὀρώρυκτο, ἐκτρέψασα τοῦ ποταμοῦ τὸ ῥέεθρον πᾶν ἐσ τὸ ὤρυσσε χωρίον, ἐν ᾧ ἐπίμπλατο τοῦτο, ἐν τούτω ἀπεξηρασμένου τοῦ ἀρχαίου ῥεέθρου τοῦτο μὲν τὰ χείλεα τοῦ ποταμοῦ κατὰ τὴν πόλιν καὶ τὰσ καταβάσιασ τὰσ ἐκ τῶν πυλίδων ἐσ τὸν ποταμὸν φερούσασ ἀνοικοδόμησε πλίνθοισι ὀπτῇσι κατὰ τὸν αὐτὸν λόγον τῷ τείχεϊ, τοῦτο δὲ κατὰ μέσην κου μάλιστα τὴν πόλιν τοῖσι λίθοισι τοὺσ ὠρύξατο οἰκοδόμεε γέφυραν, δέουσα τοὺσ λίθουσ σιδήρῳ τε καὶ μολύβδῳ.

ἐπιτείνεσκε δὲ ἐπ’ αὐτήν, ὅκωσ μὲν ἡμέρη γίνοιτο, ξύλα τετράγωνα, ἐπ’ ὧν τὴν διάβασιν ἐποιεῦντο οἱ Βαβυλώνιοι·

τὰσ δὲ νύκτασ τὰ ξύλα ταῦτα ἀπαιρέεσκον τοῦδε εἵνεκα, ἵνα μὴ διαφοιτέοντεσ τὰσ νύκτασ κλέπτοιεν παρ’ ἀλλήλων. ὡσ δὲ τό τε ὀρυχθὲν λίμνη πλήρησ ἐγεγόνεε ὑπὸ τοῦ ποταμοῦ καὶ τὰ περὶ τὴν γέφυραν ἐκεκόσμητο, τὸν Εὐφρήτην ποταμὸν ἐσ τὰ ἀρχαῖα ῥέεθρα ἐκ τῆσ λίμνησ ἐξήγαγε, καὶ οὕτω τὸ ὀρυχθὲν ἕλοσ γενόμενον ἐσ δέον ἐδόκεε γεγονέναι καὶ τοῖσι πολιήτῃσι γέφυρα ἦν κατεσκευασμένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 186

(헤로도토스, The Histories, book 1, chapter 186)

상위

목록

SEARCH

MENU NAVIGATION