호흡부호 보기
강세부호 보기
장단부호 보기
작은 Iota 보기
모든 부호 보기
ταῦτα λέγοντοσ τοῦ παιδὸσ τὸν Ἀστυάγεα ἐσήιε ἀνάγνωσισ αὐτοῦ, καὶ οἱ ὅ τε χαρακτὴρ τοῦ προσώπου προσφέρεσθαι ἐδόκεε ἐσ ἑωυτὸν καὶ ἡ ὑπόκρισισ ἐλευθερωτέρη εἶναι, ὅ τε χρόνοσ τῆσ ἐκθέσιοσ τῇ ἡλικίῃ τοῦ παιδὸσ ἐδόκεε συμβαίνειν. ἐκπλαγεὶσ δὲ τούτοισι ἐπὶ χρόνον ἄφθογγοσ ἦν·
μόγισ δὲ δή κοτε ἀνενειχθεὶσ εἶπε, θέλων ἐκπέμψαι τὸν Ἀρτεμβάρεα, ἵνα τὸν βουκόλον μοῦνον λαβὼν βασανίσῃ, "Ἀρτέμβαρεσ, ἐγὼ ταῦτα ποιήσω ὥστε σὲ καὶ τὸν παῖδα τὸν σὸν μηδὲν ἐπιμέμφεσθαι. τὸν μὲν δὴ Ἀρτεμβάρεα πέμπει, τὸν δὲ Κῦρον ἦγον ἔσω οἱ θεράποντεσ κελεύσαντοσ τοῦ Ἀστυάγεοσ, ἐπεὶ δὲ ὑπελέλειπτο ὁ βουκόλοσ μοῦνοσ μουνόθεν, τάδε αὐτὸν εἴρετο ὁ Ἀστυάγεοσ, κόθεν λάβοι τὸν παῖδα καὶ τίσ εἰή ὁ παραδούσ.
ὁ δὲ ἐξ ἑωυτοῦ τε ἔφη γεγονέναι καὶ τὴν τεκοῦσαν αὐτὸν εἶναι ἔτι παρ’ ἑωυτῷ.
Ἀστυάγησ δὲ μιν οὐκ εὖ βουλεύεσθαι ἔφη ἐπιθυμέοντα ἐσ ἀνάγκασ μεγάλασ ἀπικνέεσθαι, ἅμα τε λέγων ταῦτα ἐσήμαινε τοῖσι δορυφόροισι λαμβάνειν αὐτόν. ὁ δὲ ἀγόμενοσ ἐσ τὰσ ἀνάγκασ οὕτω δὴ ἔφαινε τὸν ἐόντα λόγον·
ἀρχόμενοσ δὲ ἀπ’ ἀρχῆσ διεξήιε τῇ ἀληθείῃ χρεώμενοσ, καὶ κατέβαινε ἐσ λιτάσ τε καὶ συγγνώμην ἑωυτῷ κελεύων ἔχειν αὐτόν.
호흡부호 보기
강세부호 보기
장단부호 보기
작은 Iota 보기
모든 부호 보기