헬라어 문장 검색 - ΗεροδόΤηεΗιστ́1́031́

(헤로도토스, The Histories, book 1, chapter 31)

ὣσ δὲ τὰ κατὰ τὸν Τέλλον προετρέψατο ὁ Σόλων τὸν Κροῖσον εἴπασ πολλά τε καὶ ὀλβία, ἐπειρώτα τίνα δεύτερον μετ’ ἐκεῖνον ἴδοι, δοκέων πάγχυ δευτερεῖα γῶν οἴσεσθαι. ὃ δ’ εἶπε "Κλέοβίν τε καὶ Βίτωνα. τούτοισι γὰρ ἐοῦσι γένοσ Ἀργείοισι βίοσ τε ἀρκέων ὑπῆν, καὶ πρὸσ τούτῳ ῥώμη σώματοσ τοιήδε·

ἀεθλοφόροι τε ἀμφότεροι ὁμοίωσ ἦσαν, καὶ δὴ καὶ λέγεται ὅδε ὁ λόγοσ. ἐούσησ ὁρτῆσ τῇ Ἥρῃ τοῖσι Ἀργείοισι ἔδεε πάντωσ τὴν μητέρα αὐτῶν ζεύγεϊ κομισθῆναι ἐσ τὸ ἱρόν, οἱ δέ σφι βόεσ ἐκ τοῦ ἀγροῦ οὐ παρεγίνοντο ἐν ὡρ́ῃ· ἐκκληιόμενοι δὲ τῇ ὡρ́ῃ οἱ νεηνίαι ὑποδύντεσ αὐτοὶ ὑπὸ τὴν ζεύγλην εἷλκον τὴν ἅμαξαν, ἐπὶ τῆσ ἁμάξησ δέ σφι ὠχέετο ἡ μήτηρ· σταδίουσ δὲ πέντε καὶ τεσσεράκοντα διακομίσαντεσ ἀπίκοντο ἐσ τὸ ἱρόν. ταῦτα δέ σφι ποιήσασι καὶ ὀφθεῖσι ὑπὸ τῆσ πανηγύριοσ τελευτὴ τοῦ βίου ἀρίστη ἐπεγένετο, διέδεξέ τε ἐν τούτοισι ὁ θεὸσ ὡσ ἄμεινον εἰή ἀνθρώπῳ τεθνάναι μᾶλλον ἢ ζώειν.

Ἀργεῖοι μὲν γὰρ περιστάντεσ ἐμακάριζον τῶν νεηνιέων τὴν ῥώμην, αἱ δὲ Ἀργεῖαι τὴν μητέρα αὐτῶν, οἱών τέκνων ἐκύρησε· ἡ δὲ μήτηρ περιχαρήσ ἐοῦσα τῷ τε ἔργῳ καὶ τῇ φήμῃ, στᾶσα ἀντίον τοῦ ἀγάλματοσ εὔχετο Κλεόβι τε καὶ Βίτωνι τοῖσι ἑωυτῆσ τέκνοισι, οἵ μιν ἐτίμησαν μεγάλωσ, τὴν θεὸν δοῦναι τὸ ἀνθρώπῳ τυχεῖν ἄριστον ἐστί.

μετὰ ταύτην δὲ τὴν εὐχὴν ὡσ ἔθυσάν τε καὶ εὐωχήθησαν, κατακοιμηθέντεσ ἐν αὐτῷ τῷ ἱρῷ οἱ νεηνίαι οὐκέτι ἀνέστησαν ἀλλ’ ἐν τέλεϊ τούτῳ ἔσχοντο.

Ἀργεῖοι δὲ σφέων εἰκόνασ ποιησάμενοι ἀνέθεσαν ἐσ Δελφοὺσ ὡσ ἀριστῶν γενομένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 31

(헤로도토스, The Histories, book 1, chapter 31)

상위

목록

SEARCH

MENU NAVIGATION