헬라어 문장 검색 - ΗεροδόΤηεΗιστ́1́113́

(헤로도토스, The Histories, book 1, chapter 113)

κάρτα τε ἔδοξε τῷ, βουκόλῳ πρὸσ τὰ παρεόντα εὖ λέγειν ἡ γυνή, καὶ αὐτίκα ἐποίεε ταῦτα· τὸν μὲν ἔφερε θανατώσων παῖδα, τοῦτον μὲν παραδιδοῖ τῇ ἑωυτοῦ γυναικί, τὸν δὲ ἑωυτοῦ ἐόντα νεκρὸν λαβὼν ἔθηκε ἐσ τὸ ἄγγοσ ἐν τῷ ἔφερε τὸν ἕτερον· κοσμήσασ δὲ τῷ κόσμῳ παντὶ τοῦ ἑτέρου παιδόσ, φέρων ἐσ τὸ ἐρημότατον τῶν ὀρέων τίθει.

ὡσ δὲ τρίτη ἡμέρη τῷ παιδίῳ ἐκκειμένῳ ἐγένετο, ἠιέ ἐσ πόλιν ὁ βουκόλοσ, τῶν τινα προβοσκῶν φύλακον αὐτοῦ καταλιπών, ἐλθὼν δὲ ἐσ τοῦ Ἁρπάγου ἀποδεικνύναι ἔφη ἕτοιμοσ εἶναι τοῦ παιδίου τὸν νέκυν. πέμψασ δὲ ὅ Ἅρπαγοσ τῶν ἑωυτοῦ δορυφόρων τοὺσ πιστοτάτουσ εἶδέ τε διὰ τούτων καὶ ἔθαψε τοῦ βουκόλου τὸ παιδίον, καὶ τὸ μὲν ἐτέθαπτο, τὸν δὲ ὕστερον τούτων Κῦρον ὀνομασθέντα παραλαβοῦσα ἔτρεφε ἡ γυνὴ τοῦ βουκόλου, οὔνομα ἄλλο κού τι καὶ οὐ Κῦρον θεμένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 113

(헤로도토스, The Histories, book 1, chapter 113)

상위

목록

SEARCH

MENU NAVIGATION