Herodotus, The Histories, book 1, chapter 110

(헤로도토스, The Histories, book 1, chapter 110)

ταῦτα εἶπε καὶ αὐτίκα ἄγγελον ἔπεμπε ἐπὶ τῶν βουκόλων τῶν Ἀστυάγεοσ τὸν ἠπίστατο νομάσ τε ἐπιτηδεοτάτασ νέμοντα καὶ ὄρεα θηριωδέστατα· τῷ οὔνομα ἦν Μιτραδάτησ, συνοίκεε δὲ ἑωυτοῦ συνδούλῃ, οὔνομα δὲ τῇ γυναικὶ ἦν τῇ συνοίκεε Κυνὼ κατὰ τὴν Ἑλλήνων γλῶσσαν, κατὰ δὲ τὴν Μηδικὴν Σπακώ· τὴν γὰρ κύνα καλέουσι σπάκα Μῆδοι. αἱ δὲ ὑπώρεαί εἰσὶ τῶν ὀρέων, ἔνθα τὰσ νομὰσ τῶν βοῶν εἶχε οὗτοσ δὴ ὁ βουκόλοσ, πρὸσ βορέω τε ἀνέμου τῶν Ἀγβατάνων καὶ πρὸσ τοῦ πόντου τοῦ Εὐξείνου·

ταύτῃ μὲν γὰρ ἡ Μηδικὴ χωρῇ πρὸσ Σασπείρων ὀρεινή ἐστι κάρτα καὶ ὑψηλή τε καὶ ἴδῃσι συνηρεφήσ, ἡ δὲ ἄλλη Μηδικὴ χωρῇ ἐστὶ πᾶσα ἄπεδοσ. ἐπεὶ ὦν ὁ βουκόλοσ σπουδῇ πολλῇ καλεόμενοσ ἀπίκετο, ἔλεγε ὁ Ἅρπαγοσ τάδε.

"κελεύει σε Ἀστυάγησ τὸ παιδίον τοῦτο λαβόντα θεῖναι ἐσ τὸ ἐρημότατον τῶν ὀρέων, ὅκωσ ἂν τάχιστα διαφθαρείη· καὶ τάδε τοὶ ἐκέλευσε εἰπεῖν, ἢν μὴ ἀποκτείνῃσ αὐτὸ ἀλλὰ τεῷ τρόπῳ περιποιήσῃσ, ὀλέθρῳ τῷ κακίστῳ σε διαχρήσεσθαι. ἐπορᾶν δὲ ἐκκείμενον τέταγμαι ἐγώ.

상위

The Histories

목록

일치하는 문장이 없습니다.

SEARCH

MENU NAVIGATION