Herodotus, The Histories, book 1, chapter 65

(헤로도토스, The Histories, book 1, chapter 65)

τοὺσ μέν νυν Ἀθηναίουσ τοιαῦτα τὸν χρόνον τοῦτον ἐπυνθάνετο ὁ Κροῖσοσ κατέχοντα, τοὺσ δὲ Λακεδαιμονίουσ ἐκ κακῶν τε μεγάλων πεφευγότασ καὶ ἐόντασ ἤδη τῷ πολέμῳ κατυπερτέρουσ Τεγεητέων. ἐπὶ γὰρ Λέοντοσ βασιλεύοντοσ καὶ Ἡγησικλέοσ ἐν Σπάρτῃ τοὺσ ἄλλουσ πολέμουσ εὐτυχέοντεσ οἱ Λακεδαιμόνιοι πρὸσ Τεγεήτασ μούνουσ προσέπταιον. τὸ δὲ ἔτι πρότερον τούτων καί κακονομώτατοι ἦσαν σχεδὸν πάντων Ἑλλήνων κατά τε σφέασ αὐτοὺσ καὶ ξείνοισι ἀπρόσμικτοι·

μετέβαλον δὲ ὧδε ἐσ εὐνομίην. Λυκούργου τῶν Σπαρτιητέων δοκίμου ἀνδρὸσ ἐλθόντοσ ἐσ Δελφοὺσ ἐπὶ τὸ χρηστήριον, ὡσ ἐσήιε ἐσ τὸ μέγαρον, εὐθὺσ ἡ Πυθίη λέγει τάδε. "ἥκεισ ὦ Λυκόοργε ἐμὸν ποτὶ πίονα νηόν Ζηνὶ φίλοσ καὶ πᾶσιν Ὀλύμπια δώματ’ ἔχουσι.

δίζω ἤ σε θεὸν μαντεύσομαι ἢ ἄνθρωπον. ἀλλ’ ἔτι καὶ μᾶλλον θεὸν ἔλπομαι, ὦ Λυκόοργε. οἳ μὲν δή τινεσ πρὸσ τούτοισι λέγουσι καὶ φράσαι αὐτῷ τὴν Πυθίην τὸν νῦν κατεστεῶτα κόσμον Σπαρτιήτῃσι.

ὡσ δ’ αὐτοὶ Λακεδαιμόνιοι λέγουσι, Λυκοῦργον ἐπιτροπεύσαντα Λεωβώτεω, ἀδελφιδέου μὲν ἑωυτοῦ βασιλεύοντοσ δὲ Σπαρτιητέων, ἐκ Κρήτησ ἀγαγέσθαι ταῦτα. ὡσ γὰρ ἐπετρόπευσε τάχιστα, μετέστησε τὰ νόμιμα πάντα, καὶ ἐφύλαξε ταῦτα μὴ παραβαίνειν·

μετὰ δὲ τὰ ἐσ πόλεμον ἔχοντα, ἐνωμοτίασ καὶ τριηκάδασ καὶ συσσίτια, πρόσ τε τούτοισι τοὺσ ἐφόρουσ καὶ γέροντασ ἔστησε Λυκοῦργοσ.

상위

The Histories

목록

일치하는 문장이 없습니다.

SEARCH

MENU NAVIGATION