호흡부호 보기
강세부호 보기
장단부호 보기
작은 Iota 보기
모든 부호 보기
ὃ μὲν δὴ ὡσ οὐκ ἐδύνατο διαφυγεῖν, ἦν ἕτοιμοσ· ὁ δὲ Κανδαύλησ, ἐπεὶ ἐδόκεε ὡρ́η τῆσ κοίτησ εἶναι, ἤγαγε τὸν Γύγεα ἐσ τὸ οἴκημα. καὶ μετὰ ταῦτα αὐτίκα παρῆν καὶ ἡ γυνή. ἐσελθοῦσαν δὲ καὶ τιθεῖσαν τὰ εἵματα ἐθηεῖτο ὁ Γύγησ. ὡσ δὲ κατὰ νώτου ἐγένετο ἰούσησ τῆσ γυναικόσ ἐσ τὴν κοίτην, ὑπεκδὺσ ἐχώρεε ἔξω, καὶ ἡ γυνὴ ἐπορᾷ μιν ἐξιόντα.
μαθοῦσὰ δὲ τὸ ποιηθέν ἐκ τοῦ ἀνδρὸσ οὔτε ἀνέβωσε αἰσχυνθεῖσα οὔτε ἔδοξε μαθεῖν, ἐν νοῶ ἔχουσα τίσεσθαι τὸν Κανδαύλεα. παρὰ γὰρ τοῖσι Λυδοῖσι, σχεδὸν δὲ καὶ παρὰ τοῖσι ἄλλοισι βαρβάροισι καὶ ἄνδρα ὀφθῆναι γυμνόν ἐσ αἰσχύνην μεγάλην φέρει.
호흡부호 보기
강세부호 보기
장단부호 보기
작은 Iota 보기
모든 부호 보기