Herodotus, The Histories, book 1, chapter 167

(헤로도토스, The Histories, book 1, chapter 167)

τῶν δὲ διαφθαρεισέων νεῶν τοὺσ ἄνδρασ οἱ τε Καρχηδόνιοι καὶ οἱ Τυρσηνοὶ διέλαχον, τῶν δὲ Τυρσηνῶν οἱ Ἀγυλλαῖοι ἔλαχόν τε αὐτῶν πολλῷ πλείστουσ καὶ τούτουσ ἐξαγαγόντεσ κατέλευσαν. μετὰ δὲ Ἀγυλλαίοισι πάντα τὰ παριόντα τὸν χῶρον, ἐν τῶ οἱ Φωκαιέεσ καταλευσθέντεσ ἐκέατο, ἐγίνετο διάστροφα καὶ ἔμπηρα καὶ ἀπόπληκτα, ὁμοίωσ πρόβατα καὶ ὑποζύγια καὶ ἄνθρωποι. οἱ δὲ Ἀγυλλαῖοι ἐσ Δελφοὺσ ἔπεμπον βουλόμενοι ἀκέσασθαι τὴν ἁμαρτάδα.

ἡ δὲ Πυθίη σφέασ ἐκέλευσε ποιέειν τὰ καὶ νῦν οἱ Ἀγυλλαῖοι ἔτι ἐπιτελέουσι· καὶ γὰρ ἐναγίζουσί σφι μεγάλωσ καὶ ἀγῶνα γυμνικὸν καὶ ἱππικὸν ἐπιστᾶσι. καὶ οὗτοι μὲν τῶν Φωκαιέων τοιούτῳ μόρῳ διεχρήσαντο, οἱ δὲ αὐτῶν ἐσ τὸ Ῥήγιον καταφυγόντεσ ἐνθεῦτεν ὁρμώμενοι ἐκτήσαντο πόλιν γῆσ τῆσ Οἰνωτπίησ ταύτην ἥτισ νῦν Υἕλη καλέεται·

ἔκτισαν δὲ ταύτην πρὸσ ἀνδρὸσ Ποσειδωνιήτεω μαθόντεσ ὡσ τὸν Κύρνον σφι ἡ Πυθίη ἔχρησε κτίσαι ἡρ́ων ἐόντα, ἀλλ’ οὐ τὴν νῆσον.

상위

The Histories

목록

일치하는 문장이 없습니다.

SEARCH

MENU NAVIGATION