호흡부호 보기
강세부호 보기
장단부호 보기
작은 Iota 보기
모든 부호 보기
ταῦτα ὡσ ἀπενειχθέντα ἤκουσαν οἱ Κυμαῖοι, οὐ βουλόμενοι οὔτε ἐκδόντεσ ἀπολέσθαι οὔτε παρ’ ἑωυτοῖσι ἔχοντεσ πολιορκέεσθαι, ἐκπέμπουσι αὐτὸν ἐσ Μυτιλήνην. οἱ δὲ Μυτιληναῖοι ἐπιπέμποντοσ τοῦ Μαζάρεοσ ἀγγελίασ ἐκδιδόναι τὸν Πακτύην παρεσκευάζοντο ἐπὶ μισθῷ ὅσῳ δή·
οὐ γὰρ ἔχω τοῦτό γε εἰπεῖν ἀτρεκέωσ· οὐ γὰρ ἐτελεώθη. Κυμαῖοι γὰρ ὡσ ἔμαθον ταῦτα πρησσόμενα ἐκ τῶν Μυτιληναίων, πέμψαντεσ πλοῖον ἐσ Λέσβον ἐκκομίζουσι Πακτύην ἐσ Χίον.
ἐνθεῦτεν δὲ ἐξ ἱροῦ Ἀθηναίησ πολιούχου ἀποσπασθεὶσ ὑπὸ Χίων ἐξεδόθη· ἐξέδοσαν δὲ οἱ Χῖοι ἐπὶ τῷ Ἀταρνέι μισθῷ· τοῦ δὲ Ἀταρνέοσ τούτου ἐστὶ χῶροσ τῆσ Μυσίησ, Λέσβου ἀντίοσ.
Πακτύην μέν νυν παραδεξάμενοι οἱ Πέρσαι εἶχον ἐν φυλακῇ, θέλοντεσ Κύρῳ ἀποδέξαι. ἦν δὲ χρόνοσ οὗτοσ οὐκ ὀλίγοσ γινόμενοσ, ὅτε Χίων οὐδεὶσ ἐκ τοῦ Ἀταρνέοσ τούτου οὔτε οὐλὰσ κριθέων πρόχυσιν ἐποιέετο θεῶν οὐδενὶ οὔτε πέμματα ἐπέσσετο καρποῦ τοῦ ἐνθεῦτεν, ἀπείχετο τε τῶν πάντων ἱρῶν τὰ πάντα ἐκ τῆσ χώρησ ταύτησ γινόμενα.
호흡부호 보기
강세부호 보기
장단부호 보기
작은 Iota 보기
모든 부호 보기