헬라어 문장 검색 - ΗεροδόΤηεΗιστ́1́047́

(헤로도토스, The Histories, book 1, chapter 47)

ἐντειλάμενοσ δὲ τοῖσι Λυδοῖσι τάδε ἀπέπεμπε ἐσ τὴν διάπειραν τῶν χρηστηρίων, ἀπ’ ἧσ ἂν ἡμέρησ ὁρμηθέωσι ἐκ Σαρδίων, ἀπὸ ταύτησ ἡμερολογέοντασ τὸν λοιπὸν χρόνον ἑκατοστῇ ἡμέρῃ χρᾶσθαι τοῖσι χρηστηρίοισι, ἐπειρωτῶντασ ὅ τι ποιέων τυγχάνοι ὁ Λυδῶν βασιλεὺσ Κροῖσοσ ὁ Ἀλυάττεω· ἅσσα δ’ ἂν ἕκαστα τῶν χρηστηρίων θεσπίσῃ, συγγραψαμένουσ ἀναφέρειν παρ’ ἑωυτόν. ὅ τι μέν νυν τὰ λοιπὰ τῶν χρηστηρίων ἐθέσπισε, οὐ λέγεται πρὸσ οὐδαμῶν·

ἐν δὲ Δελφοῖσι ὡσ ἐσῆλθον τάχιστα ἐσ τὸ μέγαρον οἱ Λυδοὶ χρησόμενοι τῷ θεῷ καὶ ἐπειρώτων τὸ ἐντεταλμένον, ἡ Πυθίη ἐν ἑξαμέτρῳ τόνῳ λέγει τάδε. οἶδα δ’ ἐγὼ ψάμμου τ’ ἀριθμὸν καὶ μέτρα θαλάσσησ, καὶ κωφοῦ συνίημι, καὶ οὐ φωνεῦντοσ ἀκούω.

ὀδμή μ’ ἐσ φρένασ ἦλθε κραταιρίνοιο χελώνησ ἑψομένησ ἐν χαλκῷ ἅμ’ ἀρνείοισι κρέεσσιν, ᾗ χαλκὸσ μὲν ὑπέστρωται, χαλκὸν δ’ ἐπιέσται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 47

(헤로도토스, The Histories, book 1, chapter 47)

상위

목록

SEARCH

MENU NAVIGATION