호흡부호 보기
강세부호 보기
장단부호 보기
작은 Iota 보기
모든 부호 보기
ἐντειλάμενοσ δὲ τοῖσι Λυδοῖσι τάδε ἀπέπεμπε ἐσ τὴν διάπειραν τῶν χρηστηρίων, ἀπ’ ἧσ ἂν ἡμέρησ ὁρμηθέωσι ἐκ Σαρδίων, ἀπὸ ταύτησ ἡμερολογέοντασ τὸν λοιπὸν χρόνον ἑκατοστῇ ἡμέρῃ χρᾶσθαι τοῖσι χρηστηρίοισι, ἐπειρωτῶντασ ὅ τι ποιέων τυγχάνοι ὁ Λυδῶν βασιλεὺσ Κροῖσοσ ὁ Ἀλυάττεω· ἅσσα δ’ ἂν ἕκαστα τῶν χρηστηρίων θεσπίσῃ, συγγραψαμένουσ ἀναφέρειν παρ’ ἑωυτόν. ὅ τι μέν νυν τὰ λοιπὰ τῶν χρηστηρίων ἐθέσπισε, οὐ λέγεται πρὸσ οὐδαμῶν·
ἐν δὲ Δελφοῖσι ὡσ ἐσῆλθον τάχιστα ἐσ τὸ μέγαρον οἱ Λυδοὶ χρησόμενοι τῷ θεῷ καὶ ἐπειρώτων τὸ ἐντεταλμένον, ἡ Πυθίη ἐν ἑξαμέτρῳ τόνῳ λέγει τάδε. οἶδα δ’ ἐγὼ ψάμμου τ’ ἀριθμὸν καὶ μέτρα θαλάσσησ, καὶ κωφοῦ συνίημι, καὶ οὐ φωνεῦντοσ ἀκούω.
ὀδμή μ’ ἐσ φρένασ ἦλθε κραταιρίνοιο χελώνησ ἑψομένησ ἐν χαλκῷ ἅμ’ ἀρνείοισι κρέεσσιν, ᾗ χαλκὸσ μὲν ὑπέστρωται, χαλκὸν δ’ ἐπιέσται.
호흡부호 보기
강세부호 보기
장단부호 보기
작은 Iota 보기
모든 부호 보기