헬라어 문장 검색 - ΗεροδόΤηεΗιστ́1́066́

(헤로도토스, The Histories, book 1, chapter 66)

οὕτω μὲν μεταβαλόντεσ εὐνομήθησαν, τῷ δὲ Λυκούργῳ τελευτήσαντι ἱρὸν εἱσάμενοι σέβονται μεγάλωσ. οἱᾶ δὲ ἐν τε χώρῃ ἀγαθῇ καὶ πλήθεϊ οὐκ ὀλίγων ἀνδρῶν, ἀνά τε ἔδραμον αὐτίκα καὶ εὐθηνήθησαν, καὶ δή σφι οὐκέτι ἀπέχρα ἡσυχίην ἄγειν, ἀλλὰ καταφρονήσαντεσ Ἀρκάδων κρέσσονεσ εἶναι ἐχρηστηριάζοντο ἐν Δελφοῖσι ἐπὶ πάσῃ τῇ Ἀρκάδων χωρῇ. ἡ δὲ Πυθίη σφι χρᾷ τάδε.

"Ἀρκαδίην μ’ αἰτεῖσ· μέγα μ’ αἰτεῖσ· οὐ τοι δώσω. πολλοὶ ἐν Ἀρκαδίῃ βαλανηφάγοι ἄνδρεσ ἐάσιν, οἵ σ’ ἀποκωλύσουσιν. ἐγὼ δὲ τοι οὔτι μεγαίρω· δώσω τοί Τεγέην ποσσίκροτον ὀρχήσασθαι καὶ καλὸν πεδίον σχοίνῳ διαμετρήσασθαι. ταῦτα ὡσ ἀπενειχθέντα ἤκουσαν οἱ Λακεδαιμόνιοι,Ἀρκάδων μὲν τῶν ἄλλων ἀπείχοντο, οἳ δὲ πέδασ φερόμενοι ἐπὶ Τεγεήτασ ἐστρατεύοντο, χρησμῷ κιβδήλῳ πίσυνοι, ὡσ δὴ ἐξανδραποδιούμενοι τοὺσ Τεγεήτασ.

ἑσσωθέντεσ δὲ τῇ συμβολῇ, ὅσοι αὐτῶν ἐζωγρήθησαν, πέδασ τε ἔχοντεσ τὰσ ἐφέροντο αὐτοὶ καὶ σχοίνῳ διαμετρησάμενοι τὸ πεδίον τὸ Τεγεητέων ἐργάζοντο.

αἱ δὲ πέδαι αὗται ἐν τῇσι ἐδεδέατο ἔτι καὶ ἐσ ἐμὲ ἦσαν σόαι ἐν Τεγέῃ περὶ τὸν νηὸν τῆσ Ἀλέησ Ἀθηναίησ κρεμάμεναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 66

(헤로도토스, The Histories, book 1, chapter 66)

상위

목록

SEARCH

MENU NAVIGATION