호흡부호 보기
강세부호 보기
장단부호 보기
작은 Iota 보기
모든 부호 보기
ταῦτα μὲν ἀτρεκέωσ ἔχω περὶ αὐτῶν εἰδὼσ εἰπεῖν· τάδε μέντοι ὡσ κρυπτόμενα λέγεται καὶ οὐ σαφηνέωσ περὶ τοῦ ἀποθανόντοσ, ὡσ οὐ πρότερον θάπτεται ἀνδρὸσ Πέρσεω ὁ νέκυσ πρὶν ἂν ὑπ’ ὄρνιθοσ ἢ κυνὸσ ἑλκυσθῇ. Μάγουσ μὲν γὰρ ἀτρεκέωσ οἶδα ταῦτα ποιέοντασ·
ἐμφανέωσ γὰρ δὴ ποιεῦσι. κατακηρώσαντεσ δὲ ὦν τὸν νέκυν Πέρσαι γῆ κρύπτουσι. Μάγοι δὲ κεχωρίδαται πολλὸν τῶν τε ἄλλων ἀνθρώπων καὶ τῶν ἐν Αἰγύπτῳ ἱρέων. οἳ μὲν γὰρ ἁγνεύουσι ἔμψυχον μηδὲν κτείνειν, εἰ μὴ ὅσα θύουσι·
οἱ δὲ δὴ Μάγοι αὐτοχειρίῃ πάντα πλὴν κυνὸσ καὶ ἀνθρώπου κτείνουσι, καὶ ἀγώνισμα μέγα τοῦτο ποιεῦνται, κτείνοντεσ ὁμοίωσ μύρμηκάσ τε καὶ ὄφισ καὶ τἆλλα ἑρπετὰ καὶ πετεινά. καὶ ἀμφὶ μὲν τῷ νόμῳ τούτῳ ἐχέτω ὡσ καὶ ἀρχὴν ἐνομίσθη, ἄνειμι δὲ ἐπὶ τὸν πρότερον λόγον.
호흡부호 보기
강세부호 보기
장단부호 보기
작은 Iota 보기
모든 부호 보기