헬라어 문장 검색 - ΗεροδόΤηεΗιστ́1́131́

(헤로도토스, The Histories, book 1, chapter 131)

Πέρσασ δὲ οἶδα νόμοισι τοιοῖσιδε χρεωμένουσ, ἀγάλματα μὲν καὶ νηοὺσ καὶ βωμοὺσ οὐκ ἐν νόμῳ ποιευμένουσ ἱδρύεσθαι, ἀλλὰ καὶ τοῖσι ποιεῦσι μωρίην ἐπιφέρουσι, ὡσ μὲν ἐμοὶ δοκέειν, ὅτι οὐκ ἀνθρωποφυέασ ἐνόμισαν τοὺσ θεοὺσ κατά περ οἱ Ἕλληνεσ εἶναι· οἳ δὲ νομίζουσι Διὶ μὲν ἐπὶ τὰ ὑψηλότατα τῶν ὀρέων ἀναβαίνοντεσ θυσίασ ἔρδειν, τὸν κύκλον πάντα τοῦ οὐρανοῦ Δία καλέοντεσ·

θύουσι δὲ ἡλίῳ τε καὶ σελήνῃ καὶ γῇ καὶ πυρὶ καὶ ὕδατι καὶ ἀνέμοισι. τούτοισι μὲν δὴ θύουσι μούνοισι ἀρχῆθεν, ἐπιμεμαθήκασι δὲ καὶ τῇ Οὐρανίῃ θύειν, παρά τε Ἀσσυρίων μαθόντεσ καὶ Ἀραβίων.

καλέουσι δὲ Ἀσσύριοι τὴν Ἀφροδίτην Μύλιττα, Ἀράβιοι δὲ Ἀλιλάτ, Πέρσαι δὲ Μίτραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 131

(헤로도토스, The Histories, book 1, chapter 131)

상위

목록

SEARCH

MENU NAVIGATION