헬라어 문장 검색 - ΗεροδόΤηεΗιστ́1́059́

(헤로도토스, The Histories, book 1, chapter 59)

τούτων δὴ ὦν τῶν ἐθνέων τὸ μὲν Ἀττικὸν κατεχόμενόν τε καὶ διεσπασμένον ἐπυνθάνετο ὁ Κροῖσοσ ὑπὸ Πεισιστράτου τοῦ Ἱπποκράτεοσ τοῦτον τὸν χρόνον τυραννεύοντοσ Ἀθηναίων. Ἱπποκράτεϊ γὰρ ἐόντι ἰδιώτῃ καὶ θεωρέοντι τὰ Ὀλύμπια τέρασ ἐγένετο μέγα· θύσαντοσ γὰρ αὐτοῦ τὰ ἱρὰ οἱ λέβητεσ ἐπεστεῶτεσ καὶ κρεῶν τε ἐόντεσ ἔμπλεοι καὶ ὕδατοσ ἄνευ πυρὸσ ἔζεσαν καὶ ὑπερέβαλον. Χίλων δὲ ὁ Λακεδαιμόνιοσ παρατυχὼν καὶ θεησάμενοσ τὸ τέρασ συνεβούλευε Ἱπποκράτεϊ πρῶτα μὲν γυναῖκα μὴ ἄγεσθαι τεκνοποιὸν ἐσ τὰ οἰκία, εἰ δὲ τυγχάνει ἔχων, δευτέρα τὴν γυναῖκα ἐκπέμπειν, καὶ εἴ τίσ οἱ τυγχάνει ἐὼν παῖσ, τοῦτον ἀπείπασθαι.

οὔκων ταῦτα παραινέσαντοσ Χίλωνοσ πείθεσθαι θέλειν τὸν Ἱπποκράτεα·

γενέσθαι οἱ μετὰ ταῦτα τὸν Πεισίστρατον τοῦτον, ὃσ στασιαζόντων τῶν παράλων καὶ τῶν ἐκ τοῦ πεδίου Ἀθηναίων, καὶ τῶν μὲν προεστεῶτοσ Μεγακλέοσ τοῦ Ἀλκμέωνοσ, τῶν δὲ ἐκ τοῦ πεδίου Λυκούργου Ἀριστολαί̈δεω, καταφρονήσασ τὴν τυραννίδα ἤγειρε τρίτην στάσιν· συλλέξασ δὲ στασιώτασ καὶ τῷ λόγῳ τῶν ὑπερακρίων προστὰσ μηχανᾶται τοιάδε. τρωματίσασ ἑωυτόν τε καὶ ἡμιόνουσ ἤλασε ἐσ τὴν ἀγορὴν τὸ ζεῦγοσ ὡσ ἐκπεφευγὼσ τοὺσ ἐχθρούσ, οἵ μιν ἐλαύνοντα ἐσ ἀγρὸν ἠθέλησαν ἀπολέσαι δῆθεν, ἐδέετό τε τοῦ δήμου φυλακῆσ τινοσ πρὸσ αὐτοῦ κυρῆσαι, πρότερον εὐδοκιμήσασ ἐν τῇ πρὸσ Μεγαρέασ γενομένῃ στρατηγίῃ, Νίσαιάν τε ἑλὼν καὶ ἄλλα ἀποδεξάμενοσ μεγάλα ἔργα.

ὁ δὲ δῆμοσ ὁ τῶν Ἀθηναίων ἐξαπατηθεὶσ ἔδωκέ οἱ τῶν ἀστῶν καταλέξασ ἄνδρασ τούτουσ οἳ δορυφόροι μὲν οὐκ ἐγένοντο Πεισιστράτου, κορυνηφόροι δέ·

ξύλων γὰρ κορύνασ ἔχοντεσ εἵποντό οἱ ὄπισθε. συνεπαναστάντεσ δὲ οὗτοι ἅμα Πεισιστράτῳ ἔσχον τὴν ἀκρόπολιν.

ἔνθα δὴ ὁ Πεισίστρατοσ ἦρχε Ἀθηναίων, οὔτε τιμὰσ τὰσ ἐούσασ συνταράξασ οὔτε θέσμια μεταλλάξασ, ἐπί τε τοῖσι κατεστεῶσι ἔνεμε τὴν πόλιν κοσμέων καλῶσ τε καὶ εὖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 59

(헤로도토스, The Histories, book 1, chapter 59)

상위

목록

SEARCH

MENU NAVIGATION