Herodotus, The Histories, book 1, chapter 158

(헤로도토스, The Histories, book 1, chapter 158)

πέμψαντεσ ὦν οἱ Κυμαῖοι ἐσ τοὺσ Βραγχίδασ θεοπρόπουσ εἰρώτευν περὶ Πακτύην ὁκοῖόν τι ποιέοντεσ θεοῖσι μέλλοιεν χαριεῖσθαι. ἐπειρωτῶσι δέ σφι ταῦτα χρηστήριον ἐγένετο ἐκδιδόναι Πακτύην Πέρσῃσι. ταῦτα δὲ ὡσ ἀπενειχθέντα ἤκουσαν οἱ Κυμαῖοι, ὁρμέατο ἐκδιδόναι· ὁρμημένου δὲ ταύτῃ τοῦ πλήθεοσ, Ἀριστόδικοσ ὁ Ἡρακλείδεω ἀνὴρ τῶν ἀστῶν ἐὼν δόκιμοσ ἔσχε μὴ ποιῆσαι ταῦτα Κυμαίουσ, ἀπιστέων τε τῷ χρησμῷ καὶ δοκέων τοὺσ θεοπρόπουσ οὐ λέγειν ἀληθέωσ, ἐσ ὃ τὸ δεύτερον περὶ Πακτύεω ἐπειρησόμενοι ἠίσαν ἄλλοι θεοπρόποι, τῶν καὶ Ἀριστόδικοσ ἦν.

상위

The Histories

목록

일치하는 문장이 없습니다.

SEARCH

MENU NAVIGATION