헬라어 문장 검색 - ΗεροδόΤηεΗιστ́1́094́

(헤로도토스, The Histories, book 1, chapter 94)

Λυδοὶ δὲ νόμοισι μὲν παραπλησίοισι χρέωνται καὶ Ἕλληνέσ, χωρὶσ ἢ ὅτι τὰ θήλεα τέκνα καταπορνεύουσι, πρῶτοι δὲ ἀνθρώπων τῶν ἡμεῖσ ἴδμεν νόμισμα χρυσοῦ καὶ ἀργύρου κοψάμενοι ἐχρήσαντο, πρῶτοι δὲ καὶ κάπηλοι ἐγένοντο. φασὶ δὲ αὐτοὶ Λυδοὶ καὶ τὰσ παιγνίασ τὰσ νῦν σφίσι τε καὶ Ἕλλησι κατεστεώσασ ἑωυτῶν ἐξεύρημα γενέσθαι·

ἅμα δὲ ταύτασ τε ἐξευρεθῆναι παρὰ σφίσι λέγουσι καὶ Τυρσηνίην ἀποικίσαι, ὧδε περὶ αὐτῶν λέγοντεσ. ἐπὶ Ἄτυοσ τοῦ Μάνεω βασιλέοσ σιτοδείην ἰσχυρὴν ἀνὰ τὴν Λυδίην πᾶσαν γενέσθαι, καὶ τοὺσ Λυδοὺσ τέωσ μὲν διάγειν λιπαρέοντασ, μετὰ δὲ ὡσ οὐ παύεσθαι, ἄκεα δίζησθαι, ἄλλον δὲ ἄλλο ἐπιμηχανᾶσθαι αὐτῶν.

ἐξευρεθῆναι δὴ ὦν τότε καὶ τῶν κύβων καὶ τῶν ἀστραγάλων καὶ τῆσ σφαίρησ καὶ τῶν ἀλλέων πασέων παιγνιέων τὰ εἴδεα, πλὴν πεσσῶν τούτων γὰρ ὦν τὴν ἐξεύρεσιν οὐκ οἰκηιοῦνται Λυδοί. ποιέειν δὲ ὧδε πρὸσ τὸν λιμὸν ἐξευρόντασ, τὴν μὲν ἑτέρην τῶν ἡμερέων παίζειν πᾶσαν, ἵνα δὴ μὴ ζητέοιεν σιτία, τὴν δὲ ἑτέρην σιτέεσθαι παυομένουσ τῶν παιγνιέων.

τοιούτῳ τρόπῳ διάγειν ἐπ’ ἔτεα δυῶν δέοντα εἴκοσι. ἐπείτε δὲ οὐκ ἀνιέναι τὸ κακὸν ἀλλ’ ἔτι ἐπὶ μᾶλλον βιάζεσθαι οὕτω δὴ τὸν βασιλέα αὐτῶν δύο μοίρασ διελόντα Λυδῶν πάντων κληρῶσαι τὴν μὲν ἐπὶ μόνῃ τὴν δὲ ἐπὶ ἐξόδῳ ἐκ τῆσ χώρησ, καὶ ἐπὶ μὲν τῇ μένειν αὐτοῦ λαγχανούσῃ τῶν μοιρέων ἑωυτὸν τὸν βασιλέα προστάσσειν, ἐπὶ δὲ τῇ ἀπαλλασσομένῃ τὸν ἑωυτοῦ παῖδα, τῷ οὔνομα εἶναι Τυρσηνόν.

λαχόντασ δὲ αὐτῶν τοὺσ ἑτέρουσ ἐξιέναι ἐκ τῆσ χώρησ καταβῆναι ἐσ Σμύρνην καὶ μηχανήσασθαι πλοῖα, ἐσ τὰ ἐσθεμένουσ τὰ πάντα ὅσα σφι ἦν χρηστὰ ἐπίπλοα, ἀποπλέειν κατὰ βίου τε καὶ γῆσ ζήτησιν, ἐσ ὃ ἔθνεα πολλὰ παραμειψαμένουσ ἀπικέσθαι ἐσ Ὀμβρικούσ, ἔνθα σφέασ ἐνιδρύσασθαι πόλιασ καὶ οἰκέειν τὸ μέχρι τοῦδε.

ἀντὶ δὲ Λυδῶν μετονομασθῆναι αὐτοὺσ ἐπὶ τοῦ βασιλέοσ τοῦ παιδόσ, ὅσ σφεασ ἀνήγαγε, ἐπὶ τούτου τὴν ἐπωνυμίην ποιευμένουσ ὀνομασθῆναι Τυρσηνούσ.

Λυδοὶ μὲν δὴ ὑπὸ Πέρσῃσι ἐδεδούλωντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 94

(헤로도토스, The Histories, book 1, chapter 94)

상위

목록

SEARCH

MENU NAVIGATION