헬라어 문장 검색 - ΗεροδόΤηεΗιστ́1́090́

(헤로도토스, The Histories, book 1, chapter 90)

ταῦτα ἀκούων ὁ Κῦροσ ὑπερήδετο, ὥσ οἱ ἐδόκεε εὖ ὑποτίθεσθαι· αἰνέσασ δὲ πολλά, καὶ ἐντειλάμενοσ τοῖσι δορυφόροισι τὰ Κροῖσοσ ὑπεθήκατο ἐπιτελέειν, εἶπε πρὸσ Κροῖσον τάδε. "Κροῖσε, ἀναρτημένου σεῦ ἀνδρὸσ βασιλέοσ χρηστὰ ἔργα καὶ ἔπεα ποιέειν, αἰτέο δόσιν ἥντινα βούλεαί τοι γενέσθαι παραυτίκα. ὁ δὲ εἶπε "ὦ δέσποτα, ἐάσασ με χαριεῖ μάλιστα τὸν θεὸν τῶν Ἑλλήνων, τὸν ἐγὼ ἐτίμησα θεῶν μάλιστα, ἐπειρέσθαι πέμψαντα τάσδε τὰσ πέδασ, εἰ ἐξαπατᾶν τοὺσ εὖ ποιεῦντασ νόμοσ ἐστί οἱ.

" Κῦροσ δὲ εἴρετο ὅ τι οἱ τοῦτο ἐπηγορέων παραιτέοιτο. Κροῖσοσ δέ οἱ ἐπαλιλλόγησε πᾶσαν τὴν ἑωυτοῦ διάνοιαν καὶ τῶν χρηστηρίων τὰσ ὑποκρίσιασ καὶ μάλιστα τὰ ἀναθήματα, καὶ ὡσ ἐπαερθεὶσ τῷ μαντηίῳ ἐστρατεύσατο ἐπὶ Πέρσασ·

λέγων δὲ ταῦτα κατέβαινε αὖτισ παραιτεόμενοσ ἐπεῖναί οἱ τῷ θεῷ τοῦτο ὀνειδίσαι. Κῦροσ δὲ γελάσασ εἶπε "καὶ τούτου τεύξεαι παρ’ ἐμεῦ, Κροῖσε, καὶ ἄλλου παντὸσ τοῦ ἂν ἑκάστοτε δέῃ. ὡσ δὲ ταῦτα ἤκουσε ὁ Κροῖσοσ, πέμπων τῶν Λυδῶν ἐσ Δελφοὺσ ἐνετέλλετο τιθέντασ τὰσ πέδασ ἐπὶ τοῦ νηοῦ τὸν οὐδὸν εἰρωτᾶν εἰ οὔ τι ἐπαισχύνεται τοῖσι μαντηίοισι ἐπαείρασ Κροῖσον στρατεύεσθαι ἐπὶ Πέρσασ ὡσ καταπαύσοντα τὴν Κύρου δύναμιν, ἀπ’ ἧσ οἱ ἀκροθίνια τοιαῦτα γενέσθαι, δεικνύντασ τὰσ πέδασ·

ταῦτά τε ἐπειρωτᾶν, καὶ εἰ ἀχαρίστοισι νόμοσ εἶναι τοῖσι Ἑλληνικοῖσι θεοῖσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 90

(헤로도토스, The Histories, book 1, chapter 90)

상위

목록

SEARCH

MENU NAVIGATION