헬라어 문장 검색 - ΗεροδόΤηεΗιστ́1́080́

(헤로도토스, The Histories, book 1, chapter 80)

ἐσ τὸ πεδίον δὲ συνελθόντων τοῦτο τὸ πρὸ τοῦ ἄστεοσ ἐστὶ τοῦ Σαρδιηνοῦ, ἐὸν μέγα τε καὶ ψιλὸν διὰ δὲ αὐτοῦ ποταμοὶ ῥέοντεσ καὶ ἄλλοι καὶ Ὕλλοσ συρρηγνῦσι ἐσ τὸν μέγιστον, καλεόμενον δὲ Ἕρμον, ὃσ ἐξ ὄρεοσ ἱροῦ μητρὸσ Δινδυμήνησ ῥέων ἐκδιδοῖ ἐσ θάλασσαν κατὰ Φωκαίην πόλιν, ἐνθαῦτα ὁ Κῦροσ ὡσ εἶδε τοὺσ Λυδοὺσ ἐσ μάχην τασσομένουσ, καταρρωδήσασ τὴν ἵππον ἐποίησε Ἁρπάγου ὑποθεμένου ἀνδρὸσ Μήδου τοιόνδε· ὅσαι τῷ στρατῷ τῷ ἑωυτοῦ εἵποντο σιτοφόροι τε καὶ σκευοφόροι κάμηλοι, ταύτασ πάσασ ἁλίσασ καὶ ἀπελὼν τὰ ἄχθεα ἄνδρασ ἐπ’ αὐτὰσ ἀνέβησε ἱππάδα στολὴν ἐνεσταλμένουσ, σκευάσασ δὲ αὐτοὺσ προσέταξε τῆσ ἄλλησ στρατιῆσ προϊέναι πρὸσ τὴν Κροίσου ἵππον, τῇ δὲ καμήλῳ ἕπεσθαι τὸν πεζὸν στρατὸν ἐκέλευσε, ὄπισθε δὲ τοῦ πεζοῦ ἐπέταξε τὴν πᾶσαν ἵππον.

ὡσ δέ οἱ πάντεσ διετετάχατο, παραίνεσε τῶν μὲν ἄλλων Λυδῶν μὴ φειδομένουσ κτείνειν πάντα τὸν ἐμποδὼν γινόμενον, Κροῖσον δὲ αὐτὸν μὴ κτείνειν, μηδὲ ἢν συλλαμβανόμενοσ ἀμύνηται.

ταῦτα μὲν παραίνεσε, τὰσ δὲ καμήλουσ ἔταξε ἀντία τῆσ ἵππου τῶνδε εἵνεκεν·

κάμηλον ἵπποσ φοβέεται, καὶ οὐκ ἀνέχεται οὔτε τὴν ἰδέην αὐτοῦ ὁρέων οὔτε τὴν ὀδμὴν ὀσφραινόμενοσ. αὐτοῦ δὴ ὦν τούτου εἵνεκεν ἐσεσόφιστο, ἵνα τῷ Κροίσῳ ἄχρηστον ᾖ τὸ ἱππικόν, τῷ δή τι καὶ ἐπεῖχε ἐλλάμψεσθαι ὁ Λυδόσ. ὡσ δὲ καὶ συνήισαν ἐσ τὴν μάχην, ἐνθαῦτα ὡσ ὤσφροντο τάχιστα τῶν καμήλων οἱ ἵπποι καὶ εἶδον αὐτάσ, ὀπίσω ἀνέστρεφον, διέφθαρτό τε τῷ Κροίσῳ ἡ ἐλπίσ.

οὐ μέντοι οἵ γε Λυδοὶ τὸ ἐνθεῦτεν δειλοὶ ἦσαν, ἀλλ’ ὡσ ἔμαθον τὸ γινόμενον, ἀποθορόντεσ ἀπὸ τῶν ἵππων πεζοὶ τοῖσι Πέρσῃσι συνέβαλλον.

χρόνῳ δὲ πεσόντων ἀμφοτέρων πολλῶν ἐτράποντο οἱ Λυδοί, κατειληθέντεσ δὲ ἐσ τὸ τεῖχοσ ἐπολιορκέοντο ὑπὸ τῶν Περσέων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 1, chapter 80

(헤로도토스, The Histories, book 1, chapter 80)

상위

목록

SEARCH

MENU NAVIGATION