헬라어 문장 검색 - ΗεροδόΤηεΗιστ́1́093́

(헤로도토스, The Histories, book 1, chapter 93)

θώματα δὲ γῆ ἡ Λυδίη ἐσ συγγραφὴν οὐ μάλα ἔχει, οἱᾶ́ τε καὶ ἄλλη χώρη, πάρεξ τοῦ ἐκ τοῦ Τμώλου καταφερομένου ψήγματοσ. ἓν δὲ ἔργον πολλὸν μέγιστον παρέχεται χωρὶσ τῶν τε Αἰγυπτίων ἔργων καὶ τῶν Βαβυλωνίων·

ἔστι αὐτόθι Ἀλυάττεω τοῦ Κροίσου πατρὸσ σῆμα, τοῦ ἡ κρηπὶσ μὲν ἐστὶ λίθων μεγάλων, τὸ δὲ ἄλλο σῆμα χῶμα γῆσ. ἐξεργάσαντο δέ μιν οἱ ἀγοραῖοι ἄνθρωποι καὶ οἱ χειρώνακτεσ καὶ αἱ ἐνεργαζόμεναι παιδίσκαι. οὖροι δὲ πέντε ἐόντεσ ἔτι καὶ ἐσ ἐμὲ ἦσαν ἐπὶ τοῦ σήματοσ ἄνω, καί σφι γράμματα ἐνεκεκόλαπτο τὰ ἕκαστοι ἐξεργάσαντο, καὶ ἐφαίνετο μετρεόμενον τὸ τῶν παιδισκέων ἔργον ἐὸν μέγιστον.

τοῦ γὰρ δὴ Λυδῶν δήμου αἱ θυγατέρεσ πορνεύονται πᾶσαι, συλλέγουσαι σφίσι φερνάσ, ἐσ ὃ ἂν συνοικήσωσι τοῦτο ποιέουσαι·

ἐκδιδοῦσι δὲ αὐταὶ ἑωυτάσ. ἡ μὲν δὴ περίοδοσ τοῦ σήματόσ εἰσὶ στάδιοι ἓξ καὶ δύο πλέθρα, τὸ δὲ εὖροσ ἐστὶ πλέθρα τρία καὶ δέκα.

λίμνη δὲ ἔχεται τοῦ σήματοσ μεγάλη, τὴν λέγουσι Λυδοὶ ἀείναον εἶναι· καλέεται δὲ αὕτη Γυγαίη. τοῦτο μὲν δὴ τοιοῦτο ἐστί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 93

(헤로도토스, The Histories, book 1, chapter 93)

상위

목록

SEARCH

MENU NAVIGATION