Herodotus, The Histories, book 1, chapter 93

(헤로도토스, The Histories, book 1, chapter 93)

θώματα δὲ γῆ ἡ Λυδίη ἐσ συγγραφὴν οὐ μάλα ἔχει, οἱᾶ́ τε καὶ ἄλλη χώρη, πάρεξ τοῦ ἐκ τοῦ Τμώλου καταφερομένου ψήγματοσ. ἓν δὲ ἔργον πολλὸν μέγιστον παρέχεται χωρὶσ τῶν τε Αἰγυπτίων ἔργων καὶ τῶν Βαβυλωνίων·

ἔστι αὐτόθι Ἀλυάττεω τοῦ Κροίσου πατρὸσ σῆμα, τοῦ ἡ κρηπὶσ μὲν ἐστὶ λίθων μεγάλων, τὸ δὲ ἄλλο σῆμα χῶμα γῆσ. ἐξεργάσαντο δέ μιν οἱ ἀγοραῖοι ἄνθρωποι καὶ οἱ χειρώνακτεσ καὶ αἱ ἐνεργαζόμεναι παιδίσκαι. οὖροι δὲ πέντε ἐόντεσ ἔτι καὶ ἐσ ἐμὲ ἦσαν ἐπὶ τοῦ σήματοσ ἄνω, καί σφι γράμματα ἐνεκεκόλαπτο τὰ ἕκαστοι ἐξεργάσαντο, καὶ ἐφαίνετο μετρεόμενον τὸ τῶν παιδισκέων ἔργον ἐὸν μέγιστον.

τοῦ γὰρ δὴ Λυδῶν δήμου αἱ θυγατέρεσ πορνεύονται πᾶσαι, συλλέγουσαι σφίσι φερνάσ, ἐσ ὃ ἂν συνοικήσωσι τοῦτο ποιέουσαι·

ἐκδιδοῦσι δὲ αὐταὶ ἑωυτάσ. ἡ μὲν δὴ περίοδοσ τοῦ σήματόσ εἰσὶ στάδιοι ἓξ καὶ δύο πλέθρα, τὸ δὲ εὖροσ ἐστὶ πλέθρα τρία καὶ δέκα.

λίμνη δὲ ἔχεται τοῦ σήματοσ μεγάλη, τὴν λέγουσι Λυδοὶ ἀείναον εἶναι· καλέεται δὲ αὕτη Γυγαίη. τοῦτο μὲν δὴ τοιοῦτο ἐστί.

상위

The Histories

목록

일치하는 문장이 없습니다.

SEARCH

MENU NAVIGATION