헬라어 문장 검색 - ΗεροδόΤηεΗιστ́1́098́

(헤로도토스, The Histories, book 1, chapter 98)

αὐτίκα δὲ προβαλλομένων ὅντινα στήσονται βασιλέα, ὁ Δηιόκησ ἦν πολλὸσ ὑπὸ παντὸσ ἀνδρὸσ καὶ προβαλλόμενοσ καὶ αἰνεόμενοσ, ἐσ ὃ τοῦτον καταινέουσι βασιλέα σφίσι εἶναι. ὃ δ’ ἐκέλευε αὐτοὺσ οἰκία τε ἑωυτῷ ἄξια τῆσ βασιληίησ οἰκοδομῆσαι καὶ κρατῦναι αὐτὸν δορυφόροισι·

ποιεῦσι δὴ ταῦτα οἱ Μῆδοι. οἰκοδομέουσί τε γὰρ αὐτῷ οἰκία μεγάλα τε καὶ ἰσχυρά, ἵνα αὐτὸσ ἔφρασε τῆσ χώρησ, καὶ δορυφόρουσ αὐτῷ ἐπιτρέπουσι ἐκ πάντων Μήδων καταλέξασθαι. ὁ δὲ ὡσ ἔσχε τὴν ἀρχήν, τοὺσ Μήδουσ ἠνάγκασε ἓν πόλισμα ποιήσασθαι καὶ τοῦτο περιστέλλοντασ τῶν ἄλλων ἧσσον ἐπιμέλεσθαι.

πειθομένων δὲ καὶ ταῦτα τῶν Μήδων οἰκοδομέει τείχεα μεγάλα τε καὶ καρτερὰ ταῦτα τὰ νῦν Ἀγβάτανα κέκληται, ἕτερον ἑτέρῳ κύκλῳ ἐνεστεῶτα. μεμηχάνηται δὲ οὕτω τοῦτο τὸ τεῖχοσ ὥστε ὁ ἕτεροσ τοῦ ἑτέρου κύκλοσ τοῖσι προμαχεῶσι μούνοισι ἐστι ὑψηλότεροσ.

τὸ μέν κού τι καὶ τὸ χωρίον συμμαχέει κολωνὸσ ἐὼν ὥστε τοιοῦτο εἶναι, τὸ δὲ καὶ μᾶλλόν τι ἐπετηδεύθη. κύκλων δ’ ἐόντων τῶν συναπάντων ἑπτά, ἐν δὴ τῷ τελευταίῳ τὰ βασιλήια ἔνεστι καὶ οἱ θησαυροί.

τὸ δ’ αὐτῶν μέγιστον ἐστὶ τεῖχοσ κατὰ τὸν Ἀθηνέων κύκλον μάλιστά κῃ τὸ μέγαθοσ. τοῦ μὲν δὴ πρώτου κύκλου οἱ προμαχεῶνεσ εἰσὶ λευκοί, τοῦ δὲ δευτέρου μέλανεσ, τρίτου δὲ κύκλου φοινίκεοι, τετάρτου δὲ κυάνεοι, πέμπτου δὲ σανδαράκινοι. οὕτω τῶν πέντε κύκλων οἱ προμαχεῶνεσ ἠνθισμένοι εἰσὶ φαρμάκοισι·

δύο δὲ οἱ τελευταῖοί εἰσὶ ὃ μὲν καταργυρωμένουσ ὁ δὲ κατακεχρυσωμένουσ ἔχων τοὺσ προμαχεῶνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 98

(헤로도토스, The Histories, book 1, chapter 98)

상위

목록

SEARCH

MENU NAVIGATION