호흡부호 보기
강세부호 보기
장단부호 보기
작은 Iota 보기
모든 부호 보기
Κροῖσοσ δὲ ἐπείτε διαβὰσ σὺν τῷ στρατῷ ἀπίκετο τῆσ Καππαδοκίησ ἐσ τὴν Πτερίην καλεομένην ἡ δὲ Πτερίη ἐστὶ τῆσ χώρησ ταύτησ τὸ ἰσχυρότατον, κατὰ Σινώπην πόλιν τὴν ἐν Εὐξείνῳ πόντῳ μάλιστά κῃ κειμένη, ἐνθαῦτα ἐστρατοπεδεύετο φθείρων τῶν Συρίων τοὺσ κλήρουσ· καὶ εἷλε μὲν τῶν Πτερίων τὴν πόλιν καὶ ἠνδραποδίσατο, εἷλε δὲ τὰσ περιοικίδασ αὐτῆσ πάσασ, Συρίουσ τε οὐδὲν ἐόντασ αἰτίουσ ἀναστάτουσ ἐποίησε.
Κῦροσ δὲ ἀγείρασ τὸν ἑωυτοῦ στρατὸν καὶ παραλαβὼν τοὺσ μεταξὺ οἰκέοντασ πάντασ ἠντιοῦτο Κροίσῳ. πρὶν δὲ ἐξελαύνειν ὁρμῆσαι τὸν στρατόν, πέμψασ κήρυκασ ἐσ τοὺσ Ιὤνασ ἐπειρᾶτο σφέασ ἀπὸ Κροίσου ἀπιστάναι.
Ιὤνεσ μέν νυν οὐκ ἐπείθοντο. Κῦροσ δὲ ὡσ ἀπίκετο καὶ ἀντεστρατοπεδεύσατο Κροίσῳ, ἐνθαῦτα ἐν τῇ Πτερίῃ χωρῇ ἐπειρῶντο κατὰ τὸ ἰσχυρὸν ἀλλήλων. μάχησ δὲ καρτερῆσ γενομένησ καὶ πεσόντων ἀμφοτέρων πολλῶν, τέλοσ οὐδέτεροι νικήσαντεσ διέστησαν νυκτὸσ ἐπελθούσησ.
καὶ τὰ μὲν στρατόπεδα ἀμφότερα οὕτω ἠγωνίσατο.
호흡부호 보기
강세부호 보기
장단부호 보기
작은 Iota 보기
모든 부호 보기