호흡부호 보기
강세부호 보기
장단부호 보기
작은 Iota 보기
모든 부호 보기
ἀπικομένων δὲ ἐσ Βραγχίδασ ἐχρηστηριάζετο ἐκ πάντων Ἀριστόδικοσ ἐπειρωτῶν τάδε. "ὦναξ, ἦλθε παρ’ ἡμέασ ἱκέτησ Πακτύησ ὁ Λυδόσ, φεύγων θάνατον βίαιον πρὸσ Περσέων· οἳ δέ μιν ἐξαιτέονται, προεῖναι Κυμαίουσ κελεύοντεσ. ἡμεῖσ δὲ δειμαίνοντεσ τὴν Περσέων δύναμιν τὸν ἱκέτην ἐσ τόδε οὐ τετολμήκαμεν ἐκδιδόναι, πρὶν ἂν τὸ ἀπὸ σεῦ ἡμῖν δηλωθῇ ἀτρεκέωσ ὁκότερα ποιέωμεν.
" ὃ μὲν ταῦτα ἐπειρώτα, ὃ δ’ αὖτισ τὸν αὐτόν σφι χρησμὸν ἔφαινε, κελεύων ἐκδιδόναι Πακτύην Πέρσῃσι. πρὸσ ταῦτα ὁ Ἀριστόδικοσ ἐκ προνοίησ ἐποίεε τάδε·
περιιὼν τὸν νηὸν κύκλῳ ἐξαίρεε τοὺσ στρουθοὺσ καὶ ἄλλα ὅσα ἦν νενοσσευμένα ὀρνίθων γένεα ἐν τῷ νηῷ. ποιέοντοσ δὲ αὐτοῦ ταῦτα λέγεται φωνὴν ἐκ τοῦ ἀδύτου γενέσθαι φέρουσαν μὲν πρὸσ τὸν Ἀριστόδικον, λέγουσαν δὲ τάδε "ἀνοσιώτατε ἀνθρώπων, τί τάδε τολμᾷσ ποιέειν; τοὺσ ἱκέτασ μου ἐκ τοῦ νηοῦ κεραί̈ζεισ; Ἀριστόδικον δὲ οὐκ ἀπορήσαντα πρὸσ ταῦτα εἰπεῖν "ὦναξ, αὐτὸσ μὲν οὕτω τοῖσι ἱκέτῃσι βοηθέεισ, Κυμαίουσ δὲ κελεύεισ τὸν ἱκέτην ἐκδιδόναι;
τὸν δὲ αὖτισ ἀμείψασθαι τοῖσιδε "ναὶ κελεύω, ἵνα γε ἀσεβήσαντεσ θᾶσσον ἀπόλησθε, ὡσ μὴ τὸ λοιπὸν περὶ ἱκετέων ἐκδόσιοσ ἔλθητε ἐπὶ τὸ χρηστήριον.
호흡부호 보기
강세부호 보기
장단부호 보기
작은 Iota 보기
모든 부호 보기