헬라어 문장 검색 - ΗεροδόΤηεΗιστ́1́159́

(헤로도토스, The Histories, book 1, chapter 159)

ἀπικομένων δὲ ἐσ Βραγχίδασ ἐχρηστηριάζετο ἐκ πάντων Ἀριστόδικοσ ἐπειρωτῶν τάδε. "ὦναξ, ἦλθε παρ’ ἡμέασ ἱκέτησ Πακτύησ ὁ Λυδόσ, φεύγων θάνατον βίαιον πρὸσ Περσέων· οἳ δέ μιν ἐξαιτέονται, προεῖναι Κυμαίουσ κελεύοντεσ. ἡμεῖσ δὲ δειμαίνοντεσ τὴν Περσέων δύναμιν τὸν ἱκέτην ἐσ τόδε οὐ τετολμήκαμεν ἐκδιδόναι, πρὶν ἂν τὸ ἀπὸ σεῦ ἡμῖν δηλωθῇ ἀτρεκέωσ ὁκότερα ποιέωμεν.

" ὃ μὲν ταῦτα ἐπειρώτα, ὃ δ’ αὖτισ τὸν αὐτόν σφι χρησμὸν ἔφαινε, κελεύων ἐκδιδόναι Πακτύην Πέρσῃσι. πρὸσ ταῦτα ὁ Ἀριστόδικοσ ἐκ προνοίησ ἐποίεε τάδε·

περιιὼν τὸν νηὸν κύκλῳ ἐξαίρεε τοὺσ στρουθοὺσ καὶ ἄλλα ὅσα ἦν νενοσσευμένα ὀρνίθων γένεα ἐν τῷ νηῷ. ποιέοντοσ δὲ αὐτοῦ ταῦτα λέγεται φωνὴν ἐκ τοῦ ἀδύτου γενέσθαι φέρουσαν μὲν πρὸσ τὸν Ἀριστόδικον, λέγουσαν δὲ τάδε "ἀνοσιώτατε ἀνθρώπων, τί τάδε τολμᾷσ ποιέειν; τοὺσ ἱκέτασ μου ἐκ τοῦ νηοῦ κεραί̈ζεισ; Ἀριστόδικον δὲ οὐκ ἀπορήσαντα πρὸσ ταῦτα εἰπεῖν "ὦναξ, αὐτὸσ μὲν οὕτω τοῖσι ἱκέτῃσι βοηθέεισ, Κυμαίουσ δὲ κελεύεισ τὸν ἱκέτην ἐκδιδόναι;

τὸν δὲ αὖτισ ἀμείψασθαι τοῖσιδε "ναὶ κελεύω, ἵνα γε ἀσεβήσαντεσ θᾶσσον ἀπόλησθε, ὡσ μὴ τὸ λοιπὸν περὶ ἱκετέων ἐκδόσιοσ ἔλθητε ἐπὶ τὸ χρηστήριον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 1, chapter 159

(헤로도토스, The Histories, book 1, chapter 159)

상위

목록

SEARCH

MENU NAVIGATION