Herodotus, The Histories, book 1, chapter 74

(헤로도토스, The Histories, book 1, chapter 74)

μετὰ δὲ ταῦτα, οὐ γὰρ δὴ ὁ Ἀλυάττησ ἐξεδίδου τοὺσ Σκύθασ ἐξαιτέοντι Κυαξάρῃ, πόλεμοσ τοῖσι Λυδοῖσι καὶ τοῖσι Μήδοισι ἐγεγόνεε ἐπ’ ἔτεα πέντε, ἐν τοῖσι πολλάκισ μὲν οἱ Μῆδοι τοὺσ Λυδοὺσ ἐνίκησαν, πολλάκισ δὲ οἱ Λυδοὶ τοὺσ Μήδουσ, ἐν δὲ καὶ νυκτομαχίην τινὰ ἐποιήσαντο· διαφέρουσι δέ σφι ἐπὶ ἴσησ τὸν πόλεμον τῷ ἕκτῳ ἔτεϊ συμβολῆσ γενομένησ συνήνεικε ὥστε τῆσ μάχησ συνεστεώσησ τὴν ἡμέρην ἐξαπίνησ νύκτα γενέσθαι.

τὴν δὲ μεταλλαγὴν ταύτην τῇ ἡμέρησ Θαλῆσ ὁ Μιλήσιοσ τοῖσι Ιὤσι προηγόρευσε ἔσεσθαι, οὖρον προθέμενοσ ἐνιαυτὸν τοῦτον ἐν τῷ δὴ καὶ ἐγένετο ἡ μεταβολή. οἱ δὲ Λυδοί τε καὶ οἱ Μῆδοι ἐπείτε εἶδον νύκτα ἀντὶ ἡμέρησ γενομένην, τῆσ μάχησ τε ἐπαύσαντο καὶ μᾶλλόν τι ἔσπευσαν καὶ ἀμφότεροι εἰρήνην ἑωυτοῖσι γενέσθαι.

οἱ δὲ συμβιβάσαντεσ αὐτοὺσ ἦσαν οἵδε, Συέννεσίσ τε ὁ Κίλιξ καὶ Λαβύνητοσ ὁ Βαβυλώνιοσ. οὗτοί σφι καὶ τὸ ὁρ́κιον οἱ σπεύσαντεσ γενέσθαι ἦσαν καὶ γάμων ἐπαλλαγὴν ἐποίησαν·

Ἀλυάττεα γὰρ ἔγνωσαν δοῦναι τὴν θυγατέρα Ἀρύηνιν Ἀστυάγεϊ τῷ Κυαξάρεω παιδί· ἄνευ γὰρ ἀναγκαίησ ἰσχυρῆσ συμβάσιεσ ἰσχυραὶ οὐκ ἐθέλουσι συμμένειν. ὁρ́κια δὲ ποιέεται ταῦτα τὰ ἔθνεα τὰ πέρ τε Ἕλληνεσ, καὶ πρὸσ τούτοισι, ἐπεὰν τοὺσ βραχίονασ ἐπιτάμωνται ἐσ τὴν ὁμοχροίην, τὸ αἷμα ἀναλείχουσι ἀλλήλων.

상위

The Histories

목록

일치하는 문장이 없습니다.

SEARCH

MENU NAVIGATION